Европа
Уапсени четири лица во врска со убиството на Немцов
Поради сомневање за поврзаност со убиството на рускиот опозициски политичар и поранешен министер и вицепремиер Борис Немцов, покрај двајцата уапсени во саботата наутро, уапсени се уште две лица, потврдил претставникот на Советот за безбедноста на кавкаската република Ингушетија, Алеберт Барахоев, откако претходно портпаролот на Истражната комисија Владимир Маркин изјави дека осомничените убијци може да бидат уапсени во недела.
Претходно директорот на Федералната безбедноста служба (ФСБ), Александар Бортников, изјави дека рамките на истрагата се приведени двајца осомничени за извршување на злосторството, Анозр Губашев и Заур Дадаев, жители на регионите од Кавказ, каде што инаку се активни радикални исламистички групи.
„Уапсени се Заур Дадаев, кој е заменик командир на полкот на баталјонот ‘Север’ на Министерството за внатрешни работи на Чеченската Република, и уште еден маж кој во тој момент бил со него во возилото. Покрај тоа, уапсен е и Анзор Губашев, кој работел во една од приватните агенции за обезбедување во Москва, и неговиот помлад брат“, изјавил Барахоев во телефонскиот разговор со агенцијата РИА Новости.
Тој не прецизирал дали приведените се испратени во Москва или се’ уште се во Инушетија.
Според Барахоев, уапсените се етнички Чеченци, чии семејства се во текот на 1960-те се преселиле во Малгобескиот регион на тогашната заедничка Чеченско-Ингушетска автономна република во тогашниот Советски сојуз. Додал дека последните десет години тие не живееле на адресата на којашто биле пријавени.
Во рамките на истрагата за убиството на Борис Немцов, иследниците од Истражната комисија заедно со оперативците на ФСБ и министерството за внатрешни работи, кои ги уапсиле Губашев и Дадаев, сметаат дека двајцата биле припадници на криминална група и биле вклучени во извршувања убиства, рече портпаролот на Истражната комисија, Владимир Маркин
Тој за агенцијата ТАСС додаде дека истрагата продолжува по лицата инволвирани во убиството на опозицискиот политичар и оти се очекува во недела да бидат уапсени лицата кои се осомничени како убијците.
Една од варијантите кои ги разгледуваа руските истражни органи беа радикални мотиви во врска со изјавите на Немцов, кој инаку по потекло е Евреин, околу терористичките исламистички напади во Париз од јануари и конфликтот во источна Украина, како и за нарачана ликвидација.
Од партијата РПР-Паранас, чиј соосновач беше убиениот Немцов, во саботата изјавија дека главна задача на истрагата е да ги пронајде нарачателите на убиството на опозицискиот политичар.
Еден од челниците на оваа партија, Илја Јашин, во врска со информациите за апсењето на двајцата осомничени во писмената изјава за медиумите како императив за истрагата истакна дека мора да бидат откриени нарачателите на убиството на неговиот соработник,
„Крајно важно е делото да не биде ограничено само на притворените како жртвени јарци, дали се тоа вистинските убијци или не. Клучниот предизвик, пак, е да се утврдат и уапсат нарачателите“, порача Јашин
Немцов, поранешен прв вицепремиер и министер за енергетика беше убиен на 27-ми февруари додека со девојката, 23-годишниот украински модел Ана Дурицка малку пред полноќ минувал по Големиот мост на реката Москва недалеку од Црвениот плоштад и Кремљ.
Неговото убиство предизвика осуди ширум светот и апели руските власти да спроведат брза истрага. Рускиот претседател Путин ликвидацијата на Немцов „во центарот на престолнината“ го нарече „срамотно“ за Русија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.