Спорт
Матузалем признава: Јадев премногу моцарела, затоа не играв
Поранешниот бразилски фудбалер од средниот ред, Матузалем вели дека поминувал многу време на клупата под тренерот Емилијано Мондонико поради тоа што не можел да сопре да јаде моцарела.
Матузалем помина две сезони на „Сан Паоло“ и имаше 61 настапи за Наполи, но повеќе време помина на клупата при крајот на своето време во јужна Италија. 39-годишниот Бразилец, кој сега е пензиониран, вели дека не може да го обвини тренерот Мондонико откако ставил многу екстра килограми поради превкусното италијанско сирење.
„Моцарела, Боже мој! Не можев да сопрам, јадев толку многу што ја загубив физичката подготвеност и Мондонико ме оставаше на клупата. Како да го обвинувам, тоа беше засрамувачки за мене. Бев пресреќен во Наполи, но не бев свесен каде сум. Кога пристигнав таму го прашав тогашниот тренер Валтер Новелино: ’Кога играме со Јувентус и Интер?’. Тој ми одговори: ’Подобро заборави на тоа, бидејќи уште сме во Серија Б’. За среќа, следната сезона влеговме во Серија А“, вели Матузалем.
По Наполи, Матузалем играше и за Лацио, Парма, Џенова, Реал Сарагоса и Шахтјор Доњецк. Најдолго остана во Лацио, освојувајќи титула од Копа Италија, и иако жали што не останал подолго во Рим, вели дека е среќен од начинот на кој се одвивала неговата кариера.
„Ќе останев подолго во Лацио, но требаше да тренирам подобро. Но, гледајќи назад, можам да бидам среќен со мојот пат. Да не ми дадеа шанса во Виторија Бахија ќе завршев како многу мои пријатели од детството – во затвор или на гробишта. Живеевме во сиромашна населба, со многу дрога и деликвенти“, открива Матузалем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.