Регион
Ердоган ја одби оставката на министерот за внатрешни работи
Турскиот претседател, Реџеп Таип Ердоган, одби да ја прифати оставката на министерот за внатрешни работи, Сулејман Сојлу, неколку часа откако тој ја објави својата одлука.
Сојлу поднесе оставка поради наглото воведување полициски час во Турција за да се сузбие ширењето на коронавирусот, што предизвика општ хаос на улиците и во маркетите.
Турските медиуми пренесуваат дека Ердоган доцна синоќа нагласил оти Сојлу ќе продолжи да ја врши својата работа на функцијата министер за внатрешни работи, на која е поставен од 2016 година.
Најголема причина поради која Сојлу поднесе оставка е воведувањето полициски час во петокот вечерта, и тоа два часа пред да стапи во сила на полноќ, без давање какво било предупредување на граѓаните претходно.
По најавата за полициски час, граѓаните побрзале до најблиските маркети за да се снабдат за викендот со основни продукти.
Одговорноста за тоа ја презел Сојлу, кој веста за својата оставка ја напиша на „Твитер“. Пред да биде одбиена неговата оставка од Ердоган, Сојлу доби силна поддршка на социјалните мрежи како од обични граѓани така и од политичари и сите приврзаници на Партијата на правдата и развојот, каде што е член Сојлу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ГЕРБ на Бојко Борисов е во водство на изборите во Бугарија
Победник на најновите предвремени парламентарни избори е партијата на поранешниот премиер Бојко Борисов – ГЕРБ со 26,4 отсто, покажуваат првите излезни анкети. Според излезните анкети на агенцијата Алфа рисрч, партијата на Борисов освоила 26, 4 отсто од гласовите или 74 мандати. За да се формира влада во Бугарија се потреби 121 пратеник.
Според податоците на агенцијата Алфа рисрч, на второ место е коалицијата Продолжуваме со промените – Демократска Бугарија со 14,9 отсто од гласовите, а по неа е Препород со 12,9 гласови.
Во парламентот влегува и ДПС – Нов почеток со 8,9 отсто, потоа Алијансата за права и слободи со 8,7 отсто, БСП-Обединета левица со 7,8 отсто од гласовите и Има таков народ со 6,2 отсто од гласовите, покажуваат излезните анкети.
Овие резултати на излезните анкети не ги содржат гласовите од дијаспората, па можни промени на бројките.
Регион
Тринаесетгодишно девојче од Србија ја изболо и усмртило 7-годишната сестра со нож во Германија
Во источногерманскиот град Лајпциг, седумгодишно девојче почина откако нејзината 13-годишна сестра наводно ја избодела со нож, јавува „ДПА“.
Инцидентот се случил во петокот вечерта, кога полицијата била повикана во станбена зграда во квартот, каде пронашла тешко повредено седумгодишно девојче. Девојчето било пренесено во болница, но подоцна им подлегнало на повредите.
Од полицијата потврдија дека 13-годишната сестра на девојчето моментално се лекува на специјалистичка клиника и е под надзор на психолог. Истрагата за инцидентот е во тек, а полицијата засега не открива дополнителни детали.
„Билд“ пишува дека се работи за семејство од Србија, а семејниот суд во Лајпциг би можел да нареди девојчето да биде сместено во дом.
Родителите на девојчињата наводно не биле во станот кога се случила оваа трагедија.
Регион
Граѓаните на Бугарија денес одат на седмите предвремени избори во последните четири години
Бугарските граѓани денес одат на седмите предвремени избори во последните четири години, додека поделените политички партии во земјата се борат да формираат стабилна коалиција, а гласачите стануваат сè поапатични.
Бугарија, најсиромашната членка на Европската унија и една од нејзините најкорумпирани држави, се бори со ротирачки влади од 2020 година, кога антикорупциските протести помогнаа да се собори коалицијата предводена од централнодесничарската партија ГЕРБ, објави Ројтерс.
Последните анкети покажуваат дека нема јасен победник и очигледни опции за солидна коалиција.
Гласањето завршува во 20 часот во недела, а во исто време треба да се знаат и резултатите врз основа на излезните анкети.
Конечните резултати ќе бидат познати неколку дена подоцна. Доколку не се појави неочекувано политичко партнерство или силен лидер за обединување на коалицијата, повеќето аналитичари предвидуваат дека земјата повторно ќе оди на избори на почетокот на следната година.
Бугарскиот претседател Румен Радев и даде мандат на ГЕРБ да формира влада по последните избори во јуни, на кои партијата освои најмногу гласови и обезбеди 68 места во 240-члениот парламент.
ГЕРБ, сепак, не успеа да формира мнозинска коалиција.
Мандатот потоа им беше понуден на другите партии, но и тие не успеаја да направат мнозинска коалиција, поради што беа организирани нови избори.
Анкетата објавена деновиве од агенцијата за истражување на јавното мислење Алфа Рисрч покажа дека ГЕРБ води со 26,5 отсто од гласовите.
Реформистичката партија Продолжуваме со промени (ПП) има 14,9 отсто, а ултранационалистичката проруска партија Препород со 14,2 отсто од гласовите.
Според Алфа Рисрч, се очекува излезноста да биде меѓу 30 и 32 отсто. Тоа е пад од повеќе од 75 отсто во однос на 1990-тите и околу 50 отсто од пред само три години.