Регион
Во Словенија и Србија најмногу заразени со коронавирус според бројот на населението
Во регионот најмногу заразени со коронавирус, во однос на бројот на население, се регистрирани во Словенија, на второ место е Србија, а на трето Црна Гора.
Во Словенија регистрирани се 582 заразени на еден милион жители, а во Србија 517. На трето место е Црна Гора со 432 заразени на еден милион жители.
На четвртото место е Македонија со 398 заболени на еден милион жители, потоа следува Хрватска со 392 случаја, Босна и Херцеговина со 281 заразен и Албанија со 155 инфицирани на еден милион жители.
Најголема смртност има во Албанија – 5,16 отсто, потоа во Словенија – 4,4 проценти, Македонија – 4,11 отсто, БиХ – 3,92 проценти, Србија – 2,2, Хрватска – 1,44 и Црна Гора – 1,2 процент.
Најмногу тестирани лица во однос на еден милион жители има во Словенија – 16.675, на второ место е Црна Гора со 5.194, а на трето место Хрватска со 4.022. На четврто место е Македонија со 3.865 тестирани на еден милион жители, БиХ со 3 илјади и Србија со 2.631 тестиран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.