Свет
(Видео) „Гринпис Русија“: Пожарот беснее на еден километар од Чернобил
Огромен шумски пожар во Украина беснее повеќе од една недела на еден километар од напуштената нуклеарка во Чернобил, предупредува организацијата „Гринпис Русија“. Од организацијата велат дека пожарот претставува ризик од радијација.
Украинската служба за вонредни ситуации соопшти дека уште се бори со пожарите, но дека ситуацијата е под контрола, пренесува „Ројтерс“.
На видеоснимките, што ги објави агенцијата во неделата, може да се види црн чад, дрвја како горат, а пожарникарите од хеликоптери се обидуваат да го угаснат огнот. Фотографиите од воздух во забранетата зона 30 километри од местото на најголемата светска нуклеарна несреќа, до која дојде во 1986 година, покажуваат изгорена и поцрнета земја и јагленисани стебла.
Службата за вонредни ситуации соопшти дека нивото на радијација во забранетата зона не се променило, а во регионот на Киев не се надминати вообичаените нивоа.
Forest fires that have been burning for several days in Ukraine are now no more than a few kilometers from the abandoned #Chernobyl nuclear plant,
⏩ It was now just 2km (1.24 miles) from where the most dangerous waste from the plant was stored.
In the midst of #COVID19 pic.twitter.com/nKvl0wVwtd
— World Updates (@Rntk____) April 13, 2020
Од „Гринпис Русија“ велат дека ситуацијата е многу полоша од тоа што украинските власти веруваат, како и дека пожарите покриваат подрачје 1.000 пати поголемо од тоа што тврдат научниците, кои на 4 април соопштија дека пламенот опфатил површина од 20 хектари, а „Гринпис“ повика на сателитски снимки кои покажуваат дека во тоа време била зафатена површина од речиси 12.000 хектари.
„Според сателитските снимки снимени денеска, површината на најголемиот пожар достигна 34.400 хектари“, соопштија од организацијата и доаваат дека вториот пожар, кој се простира на 12.600 хектари, бил оддалечен само еден километар од нуклеарката.
Fire raging near Ukraine’s Chernobyl poses radiation risk, say activists https://t.co/diGhvMItrP pic.twitter.com/P8wW1CuonN
— Reuters (@Reuters) April 13, 2020
Украинските власти веднаш не одговорија на барањето за коментар на ваквите тврдења.
Шефот на енергетскиот проект во „Гринпис Русија“, Рашид Алимов, рекол дека пожарите потпомогнати од ветрот би можеле да ги прошират радиотопите, атомите што емитуваат радијација.
Forest fires are raging in the Chernobyl exclusion zone as authorities warned radiation in the epicenter of the fire exceeds the normal levels pic.twitter.com/pqeFFMGUdu
— Reuters (@Reuters) April 12, 2020
Сателитските снимки на НАСА покажуваат дека двата пожара се прошириле длабоко во забранетата зона. Пожарите избија на 3 април во западниот дел на забранетата зона и се проширија на околните шуми.
Полицијата наведе дека е идентификуван 27-годишен локален жител кого го обвинуваат дека намерно го запалил пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.