Свет
Нови докази дека коронавирусот се шири преку воздухот
Американската Национална академија на науките даде нов прилог на тезата дека новиот вид коронавирус може да се шири и преку воздухот, а не само преку капки што се испуштаат со кивање или кашлање.
Иако студиите не се завршени, резултатите достапни од истражувањата укажуваат на аероизолација на дишењето, напишал Харви Фајнберг, прв човек на Постојаниот одбор за инфективни болести и здравствени ризици во 21 век, во писмо доставено до Белата куќа.
Американскиот центар за контрола и превенција на болести и други здравствени агенции досега инсистираа на тоа дека примарен начин на пренесување на тешкиот акутно-респираторен синдром САРС-КОВ-2 е преку поголеми респираторни капки, кои луѓето ги исфрлаат преку кашлање и кивање.
Дејството на тие капки е од еден до два метра, а вирусот може да се задржи и на површините, од каде што луѓето може да го соберат со допирање на устата, носот или очите.
Но, ако Ковид-19 се наоѓа во човечкото издишување во воздухот, заштитата од него станува потешка, што оди во прилог на препораките сите луѓе да носат заштитни маски на лицето за да се намали несвесниот пренос на вирусот од лице со асимптоматски облик на зараза, пишува американскиот весник „Сајансмаг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пад на инфлацијата во Шпанија
Пониската инфлација е пред се последица на падот на цените на горивата, бидејќи според проценките, дизелот и бензините поевтинија за 13 отсто на годишно ниво, што влијаеше и на падот на цените на транспортот, пренесува шпански Pais.
Храната и безалкохолните пијалоци во Шпанија поскапеа за 1,8 отсто на годишно ниво, домувањето и комуналните услуги за 2,9 отсто, услугите во рекреација и култура за 1,1 отсто, но растот на цените во сите споменати категории е побавен во однос на август.
На месечна основа, цените во Шпанија паднаа за 0,6 отсто во однос на август.
Како што е наведено, годишната базна стапка на инфлација во Шпанија исто така падна во септември од 2,7 отсто во август на 2,4 отсто.
Шпанија се консолидира како една од најдинамичните економии во еврозоната и бележи раст кој е четири пати поголем од европскиот просек, нагласи Министерството за економија на Шпанија.
Регион
Рама: Благодарение на помошта на Владимир Путин Албанија ги започна преговорите со ЕУ
Албанија ги отвори првите поглавја во пристапните преговори, кои би сакала да ги заврши до крајот на оваа деценија.
Оваа земја од Југоисточна Европа ги започна пристапните преговори заедно со Македонија во јули 2022 година.
По приемот на Хрватска во 2013 година, речиси и да нема напредок во процесот на проширување, кој се промени по руската агресија врз Украина.
„За жал, не можам а да не го кажам ова, но процесот на пристапување доби брзина благодарение на помошта на Владимир Путин по руската агресија врз Украина, која беше повик за будење и ја потсети Европа дека самодоволноста е само илузија“, изјави албанскиот премиер Еди Рама во Луксембург.
Унгарскиот министер за надворешни работи Петер Сијарто, чија земја претседава со Советот на ЕУ, рече дека Албанија може да отвори уште еден преговарачки кластер до крајот на унгарското претседателство. Тој, исто така, рече дека Србија може да отвори еден кластер, а Црна Гора, која ги има сите отворени поглавја, може да затвори еден.
Исто така, „би било идеално да имаме пристапни конференции со Босна и Херцеговина и Северна Македонија до крајот на нашето претседателство“, рече Сијарто, нагласувајќи дека за тоа е потребен консензус од сите земји-членки.
Свет
Чешка по неколку години го враќа својот амбасадор во Русија
Чешката Република ќе го врати својот амбасадор во Москва во следните неколку месеци, соопшти денеска Министерството за надворешни работи на земјата.
Како што пренесува Политико, Чешка ќе го врати својот амбасадор во Русија по неколкугодишна пауза.
Дипломатските односи меѓу Прага и Москва се влошија во 2021 година, кога чешките разузнавачки служби ја потврдија вмешаноста на Русија во серија експлозии во чешките магацини за муниција во Врбетица во 2014 година, кога двете земји го намалија бројот на дипломати во нивните амбасади.