Свет
Заразени 34 лица вработени во Бољшој театарот
Дури 34 лица се заразени со коронавирус по настапот пред празен аудиториум во познатиот московски Бољшој театар, јавуваат странските медиуми.
Масовното заболување се случило кога балетската трупа извела претстава во живо на руската државна телевизија. Публиката, се разбира, не била присутна, со оглед дека во оваа земја постоеше забрана за движење. Во Русија досега се забележани 21.102 случаја на Ковид-19, како и 170 смртни случаи.
Генералниот директор на Бољшој театарот, Владимир Урин, изјави за ТАСС дека сите биле тестирани на коронавирусот и дека 34 лица биле позитивни на тестот.
„Без исклучок, целиот персонал на Театарот, вклучително и безбедноста и инженерите, беа тестирани на коронавирусот два дена пред настапот. Се утврди дека 34 лица се позитивни. Немаа треска или какви било симптоми, но сите се суспендирани од работа и пратени во карантин“, рече тој.
Неколку стотици луѓе што работеле на настапот биле негативни на тестот неколку дена пред настапот, кој требало да се одржи во знак на благодарност до сите медицински работници и работници за итни случаи, како и волонтерите, кои се на првата линија во борбата против короната.
Сепак, при организацијата очигледно не се почитувало правилото за социјална дистанца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.