Свет
Зоолошка градина во Германија ќе мора да ги храни животните едни со други
Зоолошките градини во Германија, кои требаше да бидат преполни со посетители за време на велигденските празници, сега се празни и бараат донации поради ударот од коронавирусот.
Директорот на зоолошката градина во северна Германија, дури призна дека некои животни можеби набргу ќе треба да се хранат едни со други за да преживее зоолошката градина.
„Ние ги набројавме животните што ќе треба да ги заколеме први“, рече Верена Каспари од зоолошката градина во Нојмснстер за „Дај Велт“.
Зоолошката градина во Берлин има панда близнаци, но нивните обожаватели може да ги гледаат само на интернет.
„Постојано размислуваме – посетителите треба да ги следат во живо“. Не сакаме малите панди да пораснат кога конечно ќе ги отвориме“, изјави портпаролката на зоолошката градина.
Таа вели дека убиството на некои животни за да може други да живеат ќе биде последното средство, но дури и тоа не би го решило финансискиот проблем.
На пингвините им треба големи количини свежа риба дневно, истакна таа.
„Ако станува збор за тоа, ќе треба да евтанизирам животни наместо да ги оставам да изгладнат. Во најлош случај, ќе мораме да храниме едни животни со други“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.