Црна хроника
Разбеснет охриѓанец истепал татко и син
Охриѓанец заработи кривична пријава откако бил пријавен дека во четвртокот нападнал и повредил двајца свои сограѓани, татко и син, а друг затоа што се обидел да го прикрие нападот.
Секретаријатот за внатрешни работи во Охрид во саботата поднесе кривична пријава против 31-годишниот А.Р. од Охрид поради постоење основи на сомнение за сторено кривично дело „насилство“, како и против неговиот пријател 38-годишниот И.Д., исто така од Охрид, поради постоење основи на сомнение за помагање во извршување кривично дело.Имено А.Р. во четвртокот со метална цевка ги нападнал 26-годишниот Д.Т. и неговиот татко М.Т., на 55 години, нанесувајќи им телесни повреди, а истовремено го оштетил и нивниот автомобил „дачија логан“. Неговиот пријател е пријавен, поради тоа што откако го спречил напаѓачот да продолжи со насилството, ја зел и ја сокрил металната цевка.Причините за нападот и целиот случај го расветлува охридската полиција./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.