Свет
Кремљ: Г20 го поддржува одговорот на СЗО на пандемијата на Ковид-19
![](https://makfax.com.mk/wp-content/uploads/2020/04/15-peskov.jpg)
Нациите од Г20 го поддржуваат одговорот на Светската здравствена организација (СЗО) на пандемијата на Ковид-19, изјави портпаролот на Кремљ, Дмитриј Песков, коментирајќи ја неодамнешната објава на американскиот претседател Доналд Трамп дека Вашингтон ќе го прекине финансирањето на СЗО поради наводниот неуспех за правилно решавање на кризата, пренесува „Спутник“.
„Во овој случај можеме да го повториме заклучокот од 26 март, од итниот самит на лидерите на Г20. Претседателите на Г20 излегоа со координирана изјава за Ковид-19, во која се вели дека Г20 и СЗО цврсто се посветени да сторат сè што е можно за да се надмине пандемијата“, рече Песков.
Во соопштението се вели дека лидерите на Г20 целосно ги поддржуваат напорите на СЗО и имаат намера да го зајакнат нејзиниот авторитет за координирање на одговорот на Ковид-19.
„Гледаме дека претседателите на Г20, вклучително и претседателот на Руската Федерација, Владимир Путин, се потпираат на СЗО, во врска со натамошните напори за анализирање на искуството од оваа пандемија, гледаме дека тие ги поддржуваат напорите на СЗО. Ова е нашата позиција во Москва“, додаде Песков.
Во меѓувреме, и Брисел се осврна на потегот на Трамп.
„Длабоко жалам за одлуката на САД да го прекинат финансирањето на СЗО. Нема причина со која ќе го оправдаат овој потег во момент кога нивните напори се потребни повеќе од кога и да било“, напиша шефот за надворешна политика на ЕУ, Жозеф Борел, на „Твитер“.
Американскиот претседател синоќа ја објави својата одлука за прекинување на финансирањето за СЗО тврдејќи дека организацијата го спречила одговорот на Вашингтон на пандемијата на Ковид-19. Тој исто така ја критикуваше СЗО дека е наклонета кон Кина и вети темелна истрага што ќе се спроведе во следните 60-90 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес ја погоди Грција
![](https://makfax.com.mk/wp-content/uploads/2023/02/zemjotres-3.jpg)
Земјотрес со јачина од 3,8 степени според Рихтеровата скала утрово ја погоди Грција, јавува ЕМСЦ.
Земјотресот е регистриран на Крит, на 63 километри од Ираклион, на длабочина од 14 километри.
Засега нема информации за повредени или материјална штета.
Земјотресот е регистриран во 9:34 часот по локално време.
Свет
(Видео) Трамп во приватен разговор: Бајден ја напушта трката, ја имаме патетичната Камала
![](https://makfax.com.mk/wp-content/uploads/2019/04/bajden-tramp.jpg)
На социјалните мрежи се појави видео од републиканскиот претседателски кандидат Доналд Трамп, кој во приватен разговор одржан на теренот за голф тврди дека неговиот ривал, демократскиот кандидат Џозеф Бајден, ќе ја напушти претседателската трка поради лошиот настап на минатонеделната дебата.
Во видеото, Трамп ја опишува потпретседателката Камала Харис како „лоша“.
BREAKING: Leaked video shows Donald Trump saying he thinks Kamala Harris will be the Democrat nominee, says she is "so f**king bad."
"She's so bad. She's so pathetic. She's just so f**king bad."
"How did I do with the debate the other night? I kicked that old, broken down pile… pic.twitter.com/8OKxd1hHc6
— Collin Rugg (@CollinRugg) July 4, 2024
„Тој (Бајден) само што поднесе оставка. Тој ја напушта (претседателската) трка, а тоа значи дека ја имаме Камала (Харис). Мислам дека таа ќе биде подобра, таа е толку патетична, толку е лоша, кажал Трамп од количката за голф во клипот, пренесува „Sky News“.
Според одделни анкети спроведени од „Њујорк Тајмс“ и „Волстрит журнал“, Трамп има поголеми шанси за победа од Бајден.
Врз основа на истражувањето на „Њујорк Тајмс“, спроведено меѓу регистрираните гласачи кои се очекува да излезат на гласање на 5 ноември, 49 отсто од гласачите би гласале за Трамп, а 43 отсто за Бајден.
Бајден треба официјално да биде номиниран во август, а единствениот начин да биде сменет е самиот да си поднесе оставка, што тој негираше дека ќе го стори.
Свет
Русија тврди дека уништила украински МиГ-29 на аеродромот Долгинцево
![](https://makfax.com.mk/wp-content/uploads/2024/07/gfd-1.jpg)
Министерството за одбрана на Русија денеска соопшти дека на аеродромот Долгинцево во областа Дњепропетровск е уништен украински борбен авион МиГ-29.
„Рускиот „Искандер“ изврши ракетен напад врз паркингот за авиони на аеродромот Долгинцево, уништени се борбените авиони МиГ-29 на вооружените сили на Украина, авионското оружје и авијациско-инженерските возила“, соопшти Министерството, пренесе Тас.
Министерството објави и снимка од уништувањето на авионот.