Вести
Хамас се согласи на 12-часовното примирје

Палестинското исламистичко движење Хамас кое од 2007 година управува со енклавата Појасот Газа каде од 8-ми јули израелската армија води офанзива во којашто загинаа повеќе од 850 луѓе, го прифати 12-часовниот прекин на огнот кој претходно го објави израелскиот премиер Бенјамин Нетанјаху, а во Париз ќе започне министерски состанок посветен на постигнувањето трајно примирје.
„Хамас се согласува на 12-часовното примирје, коешто започнува утрово (сабота)“, соопшти претставникот на палестинското движење за AFP, барајќи да остане анонимен.Во петокот израелскиот премиер Бенјамин Нетанјаху во разговорот со американскиот државен секретар Џон Кери изјави дека израелската армија ќе ги сопре операциите во Појасот Газа во сабота, за следните 12 часа започнувајќи од 7 часот по локално време. Претходно беше соопштено дека израелскиот воено-политички кабинет ги отфрлил предлозите на Кери за прекин на огнот во Појасот Газа каде 18 дена израелската армија спроведува операција против палестинските милитанти од исламистичкото движење Хамас.Ноќта кон саботата анонимен француски дипломат за Reuters изјави дека во сабота Париз ќе биде домаќин на меѓународна конференција на министри за надворешни работи кои ќе дискутираат за постигнување примирје во Појасот Газа. Учество на оваа средба, покрај француските домаќини, ќе земат претставници на САД, Велика Британија, Германија, Италија, Турција и Катар. Исто така, намерата да присуствува на состанокот ја соопштил и американскиот државен секретар Џон Кери. Ќе биде присутна и шефицата на дипломатијата на Европската унија, Кетрин Ештон.„Поддржувајќи ја иницијативата којашто доаѓаа во прв ред од египетската страна, нашата цел е да ги преземеме сите меѓународни напори за што поскоро да бидат стекнати услови за прекин на огнот“, рекол неименуваниот соговорник на Reuters.На средбата која треба да започне рано наутро во сабота, нема да присуствуваат претставници на Израел, палестинското движење Хамас, ниту на Палестинската самоуправа./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.