Свет
Намерата на Анкара да распореди руски С-400 би можелa да резултира со санкции од САД

Портпаролот на американскиот Стејт департмент, Морган Ортагус, во понеделникот за „Ројтерс“ изјави дека САД продолжуваат силно да се противат на купувањето и активирањето на рускиот ракетен систем С-400 од страна на Турција, додавајќи дека тоа може да резултира со санкции за земјата преку примена за Законот за борба против противниците на Америка преку санкции (CAATSA).
„Продолжуваме да нагласуваме на највисоко ниво дека купувањето на системот С-400 е предмет на тековните разговори за санкции согласно CAATSA и тоа останува голема пречка во билатералните односи со Турција и во НАТО. Убедени сме дека претседателот Ердоган и неговите функционери ја разбираат нашата позиција “, рече Ортагус.
Според неименуван висок турски функционер, потребата земјата да се фокусира на забавување на пандемијата на коронавирус, само го одложила, но не го откажала имплементирањето на новиот систем за противракетна одбрана С-400.
„Нема повлекување на одлуката за активирање на С-400, но поради Ковид-19 ќе биде одложен планот за нивна подготвеност во април“, рече тој, а пренесува „Ројтерс“.
САД тврдат дека системите С-400 што Москва ѝ ги предаде на Турција во јули 2019 година, се некомпатибилни со одбраната на НАТО и би го загрозиле договорот со Турција за набавка на американски борбени авиони од петтата генерација Ф-35. Наместо С-400, САД во повеќе наврати бараа Турција да го купи системот за воздушна одбрана „Патриот“ изработен од САД.
Анкара одби да направи какви било отстапки во врска со купувањето на С-400. Претходно во март, претседателот на земјата, Реџеп Таип Ердоган, изјави дека С-400 ќе влезе во употреба во Турција во април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.