Свет
Данските партии бесни откако САД ветија финансиска поддршка за Гренланд
САД подготвуваат значителен пакет финансиска поддршка за Гренланд што ќе обезбеди засилен поттик за раст, соопшти американскиот амбасадор во Данска, Карла Сандс, во колумна во весникот „Алтингет“.
„Наша желба е да соработуваме со целото данско кралство за да ги промовираме претприемништвото и иновациите и со тоа да го стимулираме одржливиот економски развој на Арктикот“, напиша Сандс.
САД неодамна отворија конзулат на Гренланд со надеж дека ќе станат најпосакуван трговски партнер на Арктикот. Сандс напиша дека конзулатот во главниот град Нуук ќе биде почетна точка за зголемен, секојдневен контакт со народот на Гренланд.
Таа додаде дека во текот на изминатата година, американски дипломат патувал низ Гренланд за да размени мислења и да изгради контакти со секакви луѓе, студенти, деловни луѓе и со претставници од државната и локалната власт.
„Сега, кога нашето дипломатско присуство станува постојано, се надеваме дека ќе можеме да ги продлабочиме и зајакнеме односите меѓу САД, Гренланд и Данска“, напиша Сандс.
Покрај тоа, Сандс предупреди на „агресивната Русија“, за која се тврди дека го зајакнала својот воен потенцијал на Арктикот и на „алчната Кина што загадува“ и, наместо тоа, ја промовира американската визија за Арктикот, која, тврди таа, се заснова исклучиво на транспарентност, соработка и на демократски вредности.
Иако оваа проценка е повеќе или помалку доследна на онаа на данската разузнавачка заедница која постојано ги споменува Русија и Кина во својата проценка на заканите, и на главните медиуми во земјата, чии аналитичари и новинари имаат тенденција да ја потенцираат руската закана , плановите на САД не беа добро примени.
Според данските конзервативци, САД прилично отворено работат на поткопување на единството на кралството.
„САД многу отворено работат на поткопување на единството во кралството. Тие отсекогаш имале поголема слобода, но постојат граници и на крај можеби воопшто нема да бидат присутни на Гренланд освен ако не ја запрат својата агенда. Ова е целосно неприфатливо“, се вели во твитот на портпаролот на конзервативците на Гренланд, Расмус Јарлов.
Според портпаролот за надворешни работи на социјал-либералите и поранешен министер за надворешни работи, Мартин Лидегард, Гренланд е геополитички интересен поради неговата местоположба на Арктикот, како и неговите природни ресурси, феномен што тој го опиша како експлозија на интересот за Гренланд и за Арктикот. Во исто време, тој ги предупреди жителите на Гренланд да не бидат наивни.
„Ако Американците решат да дадат финансиска поддршка, тоа е затоа што очекуваат да добијат нешто за возврат. Гренланд мора да одлучи дали сака да го прифати тоа“, рече Лидегард за Данското радио, посочувајќи дека сè уште му е тешко да се поврзе со пораката бидејќи не е јасно што точно опфаќа таа.
Либерално-конзервативната партија Венстре е попозитивна, но нејзиниот портпарол на Гренланд, Кристофер Мелсон, ја спомена својата резервираност.
„Имам впечаток дека Гренланд сака да привлече деловни инвестиции и да ја развива економијата, но на крај од него зависи до кој степен ќе се оствари соработката“, рече тој.
Минатата година американскиот претседател Трамп ја шокираше Данска со својата предлог за купување на Гренланд, понуда што данската премиерка Мете Фредериксен учтиво ја одби, објаснувајќи дека Гренланд не е на продажба.
Иако ужива широка автономија и е дом на „Туле“, најсеверната воздухопловна база на САД, Гренланд останува дел од данското кралство. До денес Гренланд е крајно зависен од годишната субвенција од 3,5 милијарди дански круни (510 милиони американски долари).
Изгледите за рударство и туризам остануваат попречени од недостигот од инфраструктура и крајно негостопримливата клима.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Силна бура и дожд во Грција: улиците под вода, на сила црвено предупредување
Бурата „Адел“ ја зафати Атика, носејќи силни бури и повремен град. Одредени делови од регионот беа под вода, а властите апелираат до граѓаните да бидат особено внимателни, објави Катимерини.
Според ажурираниот метеоролошки билтен, речиси цела Грција ќе биде погодена од дожд и бури во текот на денешниот ден, додека времето се очекува да се подобри дури од недела.
27.11.2025#Greece
Civil Defense issued a red alert for parts of Western Greece due to storms. A magnitude 112 storm was recorded in Corfu and in Aetolia and Acarnania, causing roads to be flooded and rivers to overflow their banks.@meteohellas pic.twitter.com/KTfXl8eIhX— Climate Review (@ClimateRe50366) November 27, 2025
Најголеми врнежи се предвидуваат за западните и северните делови на земјата, како и за источниот Егеј, каде што бурите можат да бидат придружени со град и многу силни ветрови.
Καλημέρα#Rain #storm #athens pic.twitter.com/AiDXwElNTy
— Dimitrios Karvountzis (@DKarvountzis) November 28, 2025
Цивилната заштита е во целосна готовност.
По состанокот на Комитетот за проценка на ризик, државниот апарат беше активиран во областите каде што се очекуваат најинтензивни катастрофи.
Министерството за климатски кризи и цивилна заштита објави дека мерките со највисоко ниво на подготвеност – црвено предупредување – се воведени за Северниот Егеј и Додеканезите.
Според метеоролозите, најкритичниот период ќе биде првите 12 часа од петок – од рано наутро до пладне – додека системите на бури ќе се движат кон Додеканезите во текот на денот.
А Атика може да очекува обилни врнежи од дожд, иако помалку интензивни од најзагрозените области.
Противпожарните служби и цивилната заштита се во целосна готовност за можни интервенции.
Обилни врнежи од дожд и бури се прогнозираат за денес во делови од Халкидики, Серес, Кукуш и Солун до попладне на Јонските Острови и во западен и јужен Пелопонез, како и на Додеканезите во текот на вечерта.
Фото: принтскрин
Свет
Песков: САД ѝ ги предадоа на Русија параметрите на мировниот план финализирани во Женева
Вашингтон ѝ ги испрати на Москва параметрите на својот мировен план за Украина, прилагодени по консултациите меѓу САД и Украина во Женева, изјави денес портпаролот на Кремљ, Дмитриј Песков.
„Главните параметри се објавени, а следната недела ќе има разговор во Москва“, истакна Песков, пренесува ТАСС.
Тој исто така рече дека Москва навремено ќе го објави точниот датум на пристигнување на претставникот на американскиот претседател Стив Виткоф во Москва, со кого руската страна ќе разговара за деталите од мировниот план.
На 23 ноември во Женева се одржаа преговори меѓу украински, американски и европски претставници за нацрт-мировниот план презентиран од Вашингтон за завршување на војната во Украина.
По преговорите меѓу делегациите на двете земји во Женева, Украина и Соединетите Американски Држави се согласија да продолжат да работат на заеднички предлози за мировен договор. Рускиот претседател Владимир Путин претходно објави дека американскиот план може да биде основа за украинското решение, пренесува Танјуг.
Фото: ЕПА
Свет
Орбан на средба со Путин во Москва, објави што сака
Унгарскиот премиер, Виктор Орбан, изјави дека денеска ќе се сретне со рускиот претседател Владимир Путин во Москва за да разговара за снабдувањето со сурова нафта и гас на Унгарија и мировните напори во Украина.
Орбан одржува блиски врски со Москва и покрај војната во соседна Украина, а Унгарија останува во голема мера зависна од руската енергија, и покрај напорите на Европската Унија да ја намали зависноста.
Орбан го објави својот план за средбата со Путин на неговата „Фејсбук“ страница. „Одам (во Москва) за да обезбедам снабдување со енергија на Унгарија за зимата и следната година“, рече тој. На прашањето дали мировните напори во Украина ќе бидат исто така на дневен ред, Орбан рече: „Тешко можеме да го избегнеме тоа“.
САД овој месец ѝ дадоа на Унгарија ослободување од санкциите за користење на руска нафта и гас, откако Орбан инсистираше на одложување за време на средбата со претседателот Доналд Трамп во Вашингтон.
Орбан претходно изјави дека сака да ги оживее плановите за „мировен самит“ во Будимпешта меѓу Трамп и Путин за Украина, кој беше одложен оваа година. За разлика од повеќето лидери на НАТО и Европската унија, Орбан одржува срдечни односи со Русија, додека ја критикува западната воена помош за Киев.
Унгарија годинава увезе 8,5 милиони тони сурова нафта и повеќе од 7 милијарди кубни метри природен гас од Русија, соопшти нејзиното Министерство за надворешни работи.
фото:епа
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП Водовод и канализација – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улица „Орце Николов“, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
Норвешки ветеран: НАТО влегува во фаза на распаѓање
Во блиска иднина, НАТО не само што би можел да ослабне, туку и да престане да постои како релевантен воено-политички...
Жители на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски
Со уредно платени комуналии за куќите, жители на четири улици кои припаѓаат на Општина Чучер-Сандево, иако се многу поблиску до...
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Трамп со драстична мерка: „Трајно ја забранувам миграцијата од Третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
Нема да биде екстрадиран: Ацо Боцевски, 28 години по убиството, живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: пешак удрен од автомобил пред гимназијата „Јосип Броз-Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откога Авганистанец застрела припадници на Националната гарда во близина на Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
