Спорт
Кака потпишал за Милан поради „астролошката карта“
Агентот Гаетано Паолило на 38. роденден на Рикардо Кака открива дека тој воопшто не сакал да си замине од Милан и покрај тоа што клубот го продал на Реал Мадрид додавајќи дека претходно тој ги одбивал Манчестер сити и Интер.
Паолило е човекот што го откри Кака како млад фудбалер во Сао Пауло во мај 2003 година.
„Иако се враќаше од повреда, беше неверојатен постигнувајќи гол и асистенција, а имаше уште две-три шанси. Се запознав со татко му и го прашав за кој клуб Рикардо сонува да игра. Тој веднаш ми одговори – Милан и му побарав 30 дена за да се договорам. Потоа почнав да зборувам со Адријано Галијани, но не беше лесно бидејќи во тимот ги имаа Мануел Руи Коста и Ривалдо. Дури им го понудив на Интер, но Ектор Купер не го сакаше со неговата 4-4-2 формација. Никој друг не беше заинтересиран, што ми беше чудно. На крајот, адвокатот на Милан, Леонардо Кантамеса, му направи астролошка мапа и им кажа дека мораат да потпишат бидејќи ѕвездите така велат. Потоа го убедија и Галијани“, открива Паолило.
Кака блесна во Милан, но клубот беше во финансиска криза и за малку ќе го продадеше за 100 милиони евра во Манчестер сити во 2009.
„Да беше до Милан, тој ќе ја прифатеше понудата од 100 милиони од Сити, но Кака го одби трансферот. Секоја година Реал ги прашуваше дали е достапен, но тој не сакаше да замине. По последниот меч со Милан во Фиренца во 2009, тој си замина со бразилската репрезентација и си зеде само ранец. Ми кажа дека ќе се сретнеме за еден месец на аеродромот, но Милан го продадоа на Реал додека тој беше во Бразил. Тој не сакаше да замине и парите не му беа важни. Го сакаа во Милан и тој беше среќен, но клубот го стави на продажба“, објаснува Паолило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)
Спорт
Челси заинтересиран за Јан Облак
Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.
Облак (31) е член на Атлетико од 2014 година, а има договор со „јорганџиите“ до 30 јуни 2028 година.
Шпанските медиуми пренесуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.
„Трансфермаркт“ истакнува дека Облак вреди околу 30 милиони евра. Словенецот бранел за Атлетико на 442 официјални натпревари. За репрезентацијата на Словенија, со која ќе настапи на ЕУРО 2024 иа одиграно 64 натпревари.
Шпанските медиуми истакнуваат дека Челзи е во потрага по нов голман, иако лондонскиот клуб ги има на располагање Ѓорѓе Петровиќ, Роберто Санчез и Маркус Бетинели, како и Капа Аризабалага, кој моментално е на позајмица во Реал.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.