Свет
Германија им суди на мигранти од Сирија за злосторства против човештвото
Двајца поранешни припадници на тајната полиција на Сирија беа изведени пред суд во Германија обвинет за злосторства против човештвото за нивната улога во центарот за притвор управуван од владата, каде беа малтретирани голем број опозициски демонстранти, пренесува „Брејтбарт“.
Судскиот процес против Анвар Р. и Ејад А., чии презимиња не беа објавени поради германските правила за приватност, е прв случај во кој претставници на сириската влада се соочуваат со судење во странство за воени злосторства наводно извршени за време на повеќегодишната граѓанска војна.
Обвинетите, кои беа уапсени во Германија на почетокот од минатата година, ќе се соочат со сведоштвата од неколку сириски бегалци, кои тврдат дека биле малтретирани во притворскиот центарот „Ал Катиб“, или „Огранок 251“, во близина на Дамаск.
Федералните обвинители тврдат дека 57-годишниот Анвар Р. бил задолжен за центарот и со тоа е одговорен за злосторства против човештвото, силување и за убиство на најмалку 58 лица. Обвинениет е и за соучесништво во повеќе од 4.000 случаи на тортура.
Ејад А. (43) е обвинет дека бил дел од полицискиот одред што ги приведувал демонстрантите и ги носел во „Огранок 251“, каде што потоа биле малтретирани.
Најмалку девет жртви на тортура се ко-тужители во случајот, што е дозволено според германскиот закон, додека уште неколку се очекува да бидат повикани како сведоци. Тие се поддржани од Европскиот центар за уставни и човекови права.
Ако биде осуден, Анвар Р. може да се соочи со доживотен затвор. Ејад А. може да биде осуден на затворска казна до 15 години ако биде осуден за соучесништво во злосторства против човештвото.
Адвокатите на обвинетите одбија да коментираат пред судењето, кое треба да трае неколку месеци. Мажите, кои сами ја напуштиле Сирија и заминале за Германија пред нивното апсење во февруари 2019 година, остануваат во затвор.
Судскиот процес е опишан како клучен момент во обидот да се изведат пред лицето на правдата сириските власти обвинети за злосторства.
„Бидејќи другите начини за издејствување правда се блокирани, кривичните гонења во Европа нудат надеж за жртвите на злосторства во Сирија, кои нема каде да се обратат“, вели Балкес Јарах, меѓународен директор за правда во „Хјуман рајтс воч“.
„Судскиот процес во Кобленц покажува дека судовите, илјадници километри од местото каде се случиле злосторствата, можат да играат клучна улога во борбата против неказнивоста“.
Регионалниот суд во Кобленц, каде што се одржува судењето, го намали бројот на местата достапни за новинарите и за пошироката јавност за една третина поради правилата за социјално дистанцирање во борбата против пандемијата на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Украина и Русија разменија заробеници
Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам
Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо
Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.
Османи: Владата направи огромна грешка што го постави јазикот како алатка за популистичка егзибиција, време е да се престане со националистичко родео
Владата направи огромна грешка што го постави јазикот како алатка за дневна политика и популистичка егзибиција. Со тоа тие ја...
Претходно осудувано лице: скопјанецот кој го усмрти пешакот со мотоцикл, немал возачка дозвола
Основното јавно обвинителство Скопје донесе Наредба за спроведување истражна постапка против 25-годишен скопјанец, осомничен за -Тешки дела против безбедноста на...
МНР со детали за несреќата во Србија: загинатиот Македонец има 39 години, тешко повреден е уште еден македонски државјанин
МНР соопшти дека до Амбасадата на Република Северна Македонија во Белград е доставена информација за сообраќајна незгода. Според соопштението несреќата...
МВР со апел до граѓаните: да не отвораат линкови од СМС пораки, можат да бидат цел на криминални групи
Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број...
Јаневска: Во изминатите седум години имаме 17.000 ученици и 7.000 студенти помалку, се празнат училниците
Во седум изминати години имаме 17.000 ученици и 7.000 студенти помалку. Училниците и амфитеатрите се празнат. Ако тоа не се...
Предлогот на Мицкоски за даночење на самците кореспондира со идеите од авторитарни режими, реагира Мрежата за заштита од дискриминација
За време на настанот „Демографски трендови, предизвици и можни решенија – Развој на стратешки документи за демографска отпорност“, претседателот на...
Драма во Шуто Оризари – насилници со палки, боксови и со клоци претепале вработен во „Водовод“
Тројца насилници со железни и дрвени палки, клоци и боксови претепале вработен во „Водовод“ пред пунктот на претпријатието во Шуто...
Поднесено обвинение против директорот на болницата за геријатрија за примање поткуп од 20.000 евра
Обвинителството поднесе обвинение против директорот на ЈЗУ Специјализирана болница за геријатриска и палијативна медицина во Скопје, Мухсин Арифи, и уште за...
Владата размислува да ги даночи немажените и неженетите, рече Мицкоски
Владата размислува за дополнителни даноци за немажени и за неженети, соопшти премиерот Христијан Мицкоски говорејќи дека е време за држава во...
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека во согласност со прогнозите од УХМР и врз основа на акцискиот план за...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување од 2,3 процента во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
