Македонија
План за сообраќај на патнички возови
По повод измените во времетраењето на полицискиот час, кој сега трае од 19:00 часот до 5:00 часот во работни денови, и од 15:00 часот во сабота до 5:00 часот во понеделник, ЖРСМ Транспорт АД Скопје изготви нов план на возови кои ќе сообраќаат, при што некои возови нема да сообраќаат. Новиот план има важност од 27 април од 00:00 часот.
Од понеделник до петок
Возови кои ќе сообраќаат:
релација Велес – Скопје – Велес:
1. воз бр. 601 ќе сообраќа по возен ред со поаѓање од Скопје во 9:15 часот,
2. воз бр. 2080 ќе сообраќа по возен ред со поаѓање од Велес во 12:10 часот,
3. воз бр. 2081 ќе сообраќа по возен ред со поаѓање од Скопје во 13:20 часот, и
4. воз бр. 2082 ќе сообраќа по возен ред со поаѓање од Велес во 14:24 часот.
5. од понеделник до петок ќе сообраќа ад хок патнички воз на релација Скопје – Велес со планирано поаѓање од Скопје во 5:45 часот и пристигнување во Велес во 6:30 часот, (како врска за воз бр. 630 од Велес).
релација Скопје – Гевгелија – Скопје:
1. воз бр. 611 со поаѓање од Скопје по возен ред, во 6:23 часот
2. воз бр. 632 со поаѓање од Гевгелија со променет возен ред, ќе сообраќа предвреме со поаѓање од Гевгелија во 15:10 часот.
3. воз бр. 631 со поаѓање од Скопје со променет возен ред, ќе сообраќа предвреме во 15:24 часот.
4. воз бр. 630 од Гевгелија со променет возен ред, ќе сообраќа со задоцнување, со поаѓање од Гевгелија во 5:40 часот. ( од вторник до сабота )
релација Скопје – Битола – Скопје:
1. воз бр. 641 со поаѓање од Скопје по возен ред, во 6:57 часот
2. воз бр. 642 ќе сообраќа по возен ред со поаѓање од Битола во 12:51 часот.
3. воз бр. 643 со поаѓање од Скопје по возен ред, во 14:30 часот
4. воз бр. 640 ќе сообраќа од Битола со променет возен ред, со задоцнување, со поаѓање од Битола во 6:00 часот. ( од вторник до сабота )
Во сабота
Возови кои ќе сообраќаат:
1. воз бр. 640 ќе сообраќа од Битола со променет возен ред, со задоцнување, со поаѓање од Битола во 6:00 часот.
2. воз бр. 630 од Гевгелија со променет возен ред, со поаѓање од Гевгелија во 5:40 часот.
Нема да сообраќаат возовите на следниве релации
o релација Скопје – Куманово – Скопје:
o релација Скопје – Кичево – Скопје:
o релација Скопје – Кочани – Скопје:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од неколку скопски општини без струја
Регионалниот центар за управување со кризи на Град Скопје, по добиеното известување од ЕВН, ги известува граѓаните дека поради технички зафати во електро дистрибутивната мрежа без електрична енергија ќе останат:
· од 08:00 – 14:00 часот, корисниците од дел од с. Студеничани. (Општина Студеничани)
· од 09:00 – 14:00 часот, корисниците од дел од улиците: Ринхини и Езерци во нас. Влае. (Општина Карпош)
· од 10:00 – 12:00 часот, корисниците од ул. Пелистерска бр. 2, во нас. Карпош 3. (Општина Карпош)
· од 13:00 – 14:30 часот, корисниците од дел од ул. Миле Поп Јорданов, (објектите во околината на Градинката Пролет). (Општина Карпош)
Македонија
Сончево и топло време преку ден, попладне краткотројно невреме
Времето денес ќе биде сончево и топло со мала до умерена облачност.
Попладне ќе има локален развој на нестабилна облачност со пороен дожд и грмежи, наместа со услови за појава на краткотрајно невреме. Ќе дува умерен до засилен ветер од југоисточен правец најизразен долж Повардарието. Минималната температура ќе биде во интервал од 10 до 16, а максималната ќе достигне од 23 до 27 степени, јавува УХМР.
Во Скопје променливо облачно со повремен дожд. Попладне во делови од котлината ќе биде нестабилно со краткотраен пороен дожд и услови за појава на грмежи. Ќе дува умерен ветер од југоисточен правец. Минималната температура ќе се спушти до 16, а максималната ќе достигне до 26 степени.
До среда ќе се задржи нестабилно време, претежно во попладневните часови со локален пороен дожд и грмежи. Наместа процесите ќе бидат поинтензивни во форма на краткотрајно невреме, со засилен ветер, обилен пороен дожд за кратко време и изолирана појава на град. Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок. Температурите ќе бидат без значителна промена.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.