Европа
Лидерот на ирачките џихадисти објави план за првиот исламски калифат во Европа
Челникот на Исламската држава (IS – поранешната Исламска држава во Ирак и на Левантот ISIL) Абу Бакр ал-Багдади ги објави своите планови за создавање на првиот исламски калифат во Европа.
Обраќајќи им се на своите следбеници во Европа, ал-Багдади во неделата истакнал дека „по целосната победа на неговите следбеници во Ирак, ќе се свртат кон Европа, каде што ќе воспостават иста власт на територијата на Андалузија, Шпанија“, пренесува иранската новинска агенција Mehr.Ал-Багдади им се обратил на исламските екстремисти кои учествуваат во воените операции во Ирак. Според него, животите и сопственостите на Европејците по востановувањето на калифатот во Европа ќе бидат на располагање на борците кои ќе му се заколнат нему лично, од кои секој „е обврзан да донесе во редот на следбениците на ал-Багдади најмалку десет луѓе“. Потоа „во секоја европска земја ќе создадеме исламски калифат“, изјавил челникот на Исламската држава кој на 28-ми јуни прогласи Исламски калифат на територии од Алепо во северна Сирија до провинцијата Дијала во источен Ирак, кој го води под името Абдула Ибрахим ал-Самараи.Како што истакнува Mehr, ал-Багдади се прогласи себеси за „директен наследник на пророкот Мухамед“. Тој посетувал исламски студии на Багдадскиот универзитет, се борел во редовите на повеќе бунтовнички ирачки групи и бил уапсен од Американците во 2005 година. Сепак, под нејасни околности по четири години бил ослободен. На чело на Исламската држава во Ирак и на Левантот застанува во 2010 година, а минатата година ги прекинува контактите со глобалната терористичка група Ал Каеда, која го смета за премногу радикален. За неговите следбеници, ал-Багдади, пак, е вистинскиот наследник на Осама бин Ладен.На почетокот од јули Исламската држава во Ирак и на (Шам) Левантот (ISIL), откако го прогласи воспоставувањето на Калифат – или исламска држава – на пространите делови од Блискиот исток кои паднаа во нивни раце, ја зацрта визијата за експанзија во Европа, која ја вклучува секако и Македонија.Ова соопштение на организацијата е оценето како најзначајниот настан во меѓународниот џихадизам од 11-ти септември 2001 наваму.Во мапата која беше разменувана преку социјалните мрежи меѓу поддржувачите на ISIL, исламистичката група го оцртува петгодишниот план за тоа како тие сакаат да ги прошират границите на својата контрола надвор од претежно муслиманските држави. Покрај плановите да се прошири Калифатот на Блискиот исток, во Северна Африка и големи делови од западна Азија, мапата, исто така, ги оцртува и плановите за експанзија во Европа.ISIL планира да ја преземе контролата врз сите балкански држави, вклучувајќи ги и Грција, Македонија и Романија, и да се рашири кон Источна Европа сé до Австрија. Се чини дека мапата го следи границите на некогашната Австроугнгарска империја.Натаму, IS предвидува контрола и врз цела Шпанија, која била под муслиманска власт (во поголемиот дел) цели 700 години, до 1492 година. Исламската држава планира да ја завладее Шпанија до 2020 година.Сепак, неодамна во катарската престолнина Доха, еден од најистакнатите исламски теолози, д-р Јусуф ал-Кардави рече дека „прогласувањето на групата Исламска држава на калифат на териториите кои ги контролира во Ирак и во Сирија не е во согласност со прописите на шеријатот“, односно исламскиот законик./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.