Црна хроника
На убиството во Арачиново му претходела брачна расправија, сопругот слегол во подрумот за да го земе пиштолот
Скопското Основно јавно обвинителство нареди истрага против жителот на Арачиново, кој вчера ја уби својата сопруга.
Тој се товари за кривични дела убиство и неовластено поседување оружје.
Како што иформираат од Обвинителството, осомничениот на 29 април, во семејниот дом во селото Арачиново, при акт на семејно насилство, со умисла, ја убил својата сопруга.
Тие, по враќањето од прошетка и кога влегле во собата, почнале расправија поради брачни недоразбирања.
Во еден момент осомничениот 39-годишник се упатил кон подрумoт во куќата, каде што неовластено чувал пиштол „берета“ во калибар од 7,65 милиметри.
Пиштолот го ставил во џебот од јакната и се вратил во собата каде што била сопругата.
Двајцата сопружници продолжиле да се расправаат, а осомничениот го извадил пиштолот, го вперил кон оштетената со закана дека ќе ја убие и ѝ испукал еден куршум во задната страна на главата.
По настанот, тој ја напуштил куќата. Жената давала знаци на живот и двајца сведоци ја пренеле во болница, но по приемот, таа починала.
Осомничениот во меѓувреме е уапсен, а надлежниот јавен обвинител до судија на претходна постапка при Основниот кривичен суд Скопје достави предлог за определување мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведено лице од Битола барано со потерница
Денеска во 14.50 часот во Битола, полициски службеници од СВР Битола, врз основа на наредба од Основен суд Битола, го лишија од слобода С.Р.(31) од Битола, кој бил баран со потерница за издржување казна затвор од една година и шест месеци.
Лицето, како што соопшти полицијата, ќе биде спроведено во казнено поправната установа Затвор Битола.
Црна хроника
Малолетници се степале во автобус на ЈСП
Денеска во 11.30 часот во СВР Скопје, М.М.(53) од с.Стајковци, скопско, пријавил дека на 30.09.2024 околу 13.55 часот во автобус на ЈСП на подрачјето на Центар, неговиот малолетен син и двајца негови малолетни другари биле физички нападнати од други малолетници, кои употребиле и тврд предмет.
Според МВР се преземаат мерки за расчистување на случајот.
Црна хроника
Уапсен малолетник: со нож повредил друг малолетник во скопски Карпош
Вчера во 12.00 часот во Скопје, полициски службеници од Полициската станица Карпош лишиле од слобода малолетник од с.Чајлане, скопско, поради сомнение дека околу 07.30 часот на подрачјето на Карпош, по претходна расправија, со остар предмет нападнал малолетник од с.Семениште, скопско, и му нанел убодна рана.
По целосно расчистување и документирање на случајот, ќе биде поднесена соодветна пријава, соопшти полицијата.