Свет
Трамп: Имам докази дека коронавирусот потекнува од лабораторија во Кина
Американскиот претседател Доналд Трамп изјави дека е уверен дека коронавирусот доаѓа од кинеска лабораторија за вирологија, но одби да даде докази, зголемувајќи ја на тој начин напнатоста со Пекинг, поради прашањето за потеклото на Ковид-19.
Тој рекол дека поседува докази, кои му дале „висок степен на увереност“ дека вирусот потекнува од Институтот за вирологија во Вухан.
„Да, да, имам. Не можам да ви го кажам тоа. Не ми е дозволено да ви кажам“ рекол Трамп, додавајќи дека планира нови санкции против Кина.
Кинескиот институт за вирологија во Вухан ги отфрли ваквите тврдења, додека други американски функционери ја намалија веројатноста за овие наводи. Повеќето експерти веруваат дека вирусот настанал на пазар на диви животни во Вухан и дека е пренесен од животните на луѓето.
Републиканскиот претседател последните недели поради пандемијата покажа се поголема фрустрација кон Кина. Пандемијата во САД одзеде десетици илјади животи, поттикна забавување на економијата и му ги намали шансите на Трамп повторно да биде избран за претседател.
Трамп и претходно кажуваше дека неговата администрација се обидува да утврди дали вирусот потекнува од лабораторија во Вухан, по медиумските објави дека можеби веѓтачки е синтетизиран во кинеска лабораторија.
Епидемијата на коронавирусот ги поткопа односите меѓу САД и Кина, со тоа што Пекинг обвини дека американската војска го донела вирусот во Кина, додека пак Трамп вели дека Кина не успеала правовремено и транспарентно да го предупреди светот на ризик од коронавирусот.
Трамп одби да каже дали кинескиот претседател Си Џинпинг е одговорен за она што тој смета дека е дезинформација за настанокот на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Егзодус во Флорида, илјадници бегаат, заглавени на патиштата, без гориво
Денеска е последниот ден за жителите на Флорида да се евакуираат или да се предадат пред ураганот Милтон од петта категорија, потенцијално еден од најразорните што некогаш го погодиле брегот на Флорида.
Massive evacuations in Florida due to Hurricane Milton. This is I-75 in Tampa. pic.twitter.com/owHfH8v8sj
— T_CAS videos (@tecas2000) October 8, 2024
Бидејќи повеќе од милион луѓе во крајбрежните области добија наредба да се евакуираат, на оние што бегаа заради безбедност останаа без гориво на пренатрупани автопати и бензински пумпи.
Тоа донесе дополнителен метеж во областа која сè уште се опоравува од разорните ефекти на ураганот Хелена пред помалку од две недели.
Свет
Се очекува Бајден и Нетанјаху да имаат телефонски разговор: израелската одмазда ќе биде клучна тема на повикот
Американскиот претседател Џо Бајден се очекува денеска телефонски да разговара со израелскиот премиер Бенјамин Нетанјаху, а главна тема ќе бидат плановите на Израел да го нападне Иран, изјави информиран извор.
Блискиот исток го чека одговорот на Израел на минатонеделниот ракетен напад од Иран, кој Техеран го изврши како одмазда за израелската воена ескалација во Либан. Немаше жртви во иранскиот напад врз Израел, а Вашингтон го нарече неефикасен.
Нетанјаху вети дека ќе го натера Иран, главниот непријател на Израел, да плати за својот ракетен напад, додека Техеран вели дека секоја одмазда би значела „големо уништување“.
Заканите ги поттикнаа стравувањата од поширока војна во регионот, што е важно за производството на нафта.
Израелската одмазда ќе биде клучна тема на повикот, а Вашингтон се надева дека ќе процени дали одговорот на Израел е соодветен, рече друг извор запознаен со дискусиите. Белата куќа не одговори веднаш на барањето за коментар.
Бајден минатиот петок рече дека ако тој беше Израел, ќе разгледа други опции наместо да ги нападне нафтените полиња во Иран.
Израел се соочи со повици од Соединетите Држави и други сојузници да постигне прекин на огнот во Газа и Либан, но властите велат дека ќе продолжат со воените операции додека Израелците не бидат безбедни.
Бајден и Нетанјаху се очекува да разговараат и за конфликтите со Хамас во Газа и Хезболах во Либан.
Израел вели дека се брани откако милитантите на Хамас го нападнаа јужниот дел на Израел на 7 октомври 2023 година, како и против други милитанти, вклучително и Хезболах, група која го поддржува Хамас.
Соединетите Држави велат дека го поддржуваат Израел во неговите напади врз Хезболах поддржан од Иран.
Но, особено Израел и Нетанјаху беа широко осудени за речиси 42.000 жртви во војната во Газа, според палестинското Министерство за здравство, и повеќе од 2.000 мртви во Либан.
Европа
Ураганот Кирк пристигнува во Европа
Делови од Флорида се подготвуваат за ураганот Милтон – бура од 5-та категорија која најверојатно ќе донесе опасни ветрови со брзина од 290 километри на час и ќе остави пустош по него.
Во исто време кон Европа се движи уште една бура – ураганот Кирк, пишува Euronews. Иако Кирк повеќе не е класифициран како ураган, туку како тропска бура, сепак најверојатно ќе предизвика штета и нарушување во делови од Европа кога ќе пристигне оваа недела.
„Ова повеќе не е тропска бура со типична тркалезна, симетрична облачна структура и мирно око во центарот“, објаснува метеорологот Ларс Ловински за Euronews.
Кирк првично беше моќен ураган, кој се движеше помеѓу Бермудите на Карибите и Азорските Острови во централниот дел на Атлантикот во текот на викендот. Дури накратко стигна до категоријата 4 на скалата Сафир-Симпсон. „Сега ќе остане многу силна бидејќи ќе се развие во моќна атлантска бура каква што често ја гледаме над Северен Атлантик и Западна Европа во текот на есента и зимата“, објаснува Ларс.
When #Kirk reaches Europe it will no longer be a hurricane, but the storm could still bring strong winds to parts of Spain, Portugal, France, Belgium, and the UK next week.
This map shows the latest ICON wind gusts forecast plus the latest forecast path from the NHC: pic.twitter.com/G5fuAVBtfZ
— Zoom Earth (@zoom_earth) October 5, 2024
Кирк ќе биде првиот таков систем оваа сезона, која вообичаено ќе трае од октомври до март во Европа.
Приближувајќи се кон европското копно, Кирк најверојатно од денес ќе почне да влијае на северна Португалија и северозападна Шпанија. Можни се многу силен ветер и пороен дожд пред да пристигне главниот систем.
Иако сè уште не е целосно јасно колкава штета ќе предизвика на западниот брег на Европа, бурата потоа ќе продолжи да се движи кон исток и северо-исток и од оваа вечер ќе стигне до Франција.
Ларс, исто така, предупредува дека обилниот дожд ќе претставува закана, главно во централните и северните делови на Франција. Можно е дождовите да ја зафатат и Белгија и западна Германија.
Обилните дождови може да предизвикаат и поројни поплави и поплави на реките, а во најлош случај и лизгање на земјиштето во планинските области.
Синоптичарите, исто така, велат дека Кирк би можел да донесе неколкучасовен силен дожд и силен ветер во делови од Велика Британија – но сè уште не е јасно колку точно ќе бидат силни.