Спорт
Ексфудбалерот Камба се „врати“ од мртвите четири години по наводната смрт

Од Германија ни доаѓа една од најбизарните фудбалски приказни во последно време (а имаше доста чудни работи), откако Хјаник Камба, поранешниот фудбалер на Шалке, се појави жив и здрав четири години откако се веруваше дека загинал во собраќајна несреќа.
Се веруваше дека Камба загинал во сообраќајна несреќа во неговиот роден Конго во 2016 година, ставајќи трагичен крај на кариерата која започна во младинската школа на Шалке, заедно со Мануел Нојер. Неговата смрт на 29 години беше опишана како „трагична“ и „несреќна“ од регионалниот германски клуб Хулс, каде што тој играше тогаш.
Но, сега, поранешниот десен бек се појави во германската областа Рур, каде што почнал да работи како хемичар во една компанија и на колегите почнал да им раскажува за неговата „лажна смрт“, јавува „Билд“.
Ова веднаш предизвикало истрага на осигурителните компании, кои и претходно се сомневале во посмртницата на Камба, но сепак исплатиле сума од шест цифри на неговата сопруга.
„Обвинетата е осомничена за измама, но таа го демантира тоа. Процедурата уште трае“, изјавила обвинителката од градот Есен, Анете Милк за „Билд“.
Весникот тврди дека сопругата на Камба дознала за осигурувањето по наводната смрт на фудбалерот, но уште не е јасно дали се работи за фалсификат или за документ навистина издаден во Конго. Камба наводно се вратил во Германија уште пред две години и се вселил во неговиот поранешен дом во близината на Гелзенкирхен.
Приказната на Камба е сомнителна од нејзиниот почеток. Тој наводно избегал од Конго за да се насели во областа Рур пред да се приклучи на Шалке, а неговите родители биле депортирани додека тој играл куп-финале. Родителите, учителите и пријателите на Камба тогаш собрале 4.000 евра да му помогнат на Камба да преживее во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познато е колку ќе заработува Арнаутовиќ во Црвена ѕвезда

Доаѓањето на Марко Арнаутовиќ во Црвена ѕвезда претставува вистинска „бомба“ во српскиот фудбал, а сега се појавија и деталите од договорот.
Арнаутовиќ ќе потпише двегодишен договор со српскиот шампион, а австриски „Скај“ ја открива и неговата плата во новиот клуб.
36-годишниот напаѓач ќе заработува 2,5 милиони евра нето по сезона.
Се очекува тој да пристигне во Белград во понеделник и да го потпише договорот.
Во својата кариера играше за Твенте, Вердер Бремен, Стоук, Вест Хем, Шангај СИПГ, Болоња, Интер, а негова следна станица ќе биде Црвена Ѕвезда од Белград.
Тој одигра 125 натпревари за австриската репрезентација и постигна 41 гол.
Спорт
(Видео) Усик и Дубоа се измерија пред борбата: не ги тргнаа очите еден од друг

Светскиот шампион во бокс во тешка категорија, Украинецот Олександр Усик, ќе ги брани своите појаси на 19 јули. Потоа ќе се бори на Вембли со локалниот борец Даниел Дубоа, човек кого веќе го победи еднаш со нокаут, во август 2023 година. Усик има 23 победи во кариерата од исто толку борби.
Во првата борба беа во прашање светските титули во тешка категорија во WBA, IBF и WBO, а утре влоговите се уште поголеми. Победникот ќе стане апсолутен светски шампион во „кралската“ категорија. Доколку Усик победи, тој ќе ги обедини сите четири појаси во тешка категорија по втор пат во кариерата, додека Дубоа сè уште не постигнал ништо слично и се соочува со борбата на својата кариера.
𝐔𝐧𝐝𝐢𝐬𝐩𝐮𝐭𝐞𝐝 Heavyweight Supremacy 👑
🇺🇦 Oleksandr Usyk vs. Daniel Dubois 🇬🇧
🎟 Buy Usyk vs Dubois 2 NOW HERE –> https://t.co/FoiaUucafv#UsykDubois2 | July 19 | Live exclusively on DAZN pic.twitter.com/SUcmgsrTDL
— DAZN Boxing (@DAZNBoxing) July 18, 2025
Денес, боксерите стапнаа на вагата и го имаа своето последно соочување пред утрешниот судир. Дубоа тежеше 110,59 килограми, додека Олександр Усик беше значително полесен на вагата, но потежок од кога било досега, при што најдобриот светски боксер во тешка категорија тежеше 103,1 килограми. За споредба, кога се мереа за борбата пред две години, Усик тежеше 100 килограми, а Дубоа 106 килограми.
Тие го имаа и своето последно соочување пред борбата. Повторно беше напнато и не ги тргнаа очите еден од друг.
Спорт
Французите отворија истрага против Мбапе за наводни лажни плаќања
Француското јавно обвинителство почна истрага за потенцијално сомнителни плаќања извршени од францускиот напаѓач и играч на Реал Мадрид, Килијан Мбапе, до пет полицајци одговорни за безбедноста на француската фудбалска репрезентација.
Истрагата беше започната по дојава од единицата за борба против перење пари, која пријави необични финансиски трансакции во корист на пет полицајци, пренесoa француските медиуми.
„Истрагата е во тек. Поради сложената природа на финансиските трансакции, потребно е дополнително да се утврди дали се извршени кривични дела“, кусо соопшти јавното обвинителство.
Според францускиот неделник „Ле Канар Еншен“, Мбапе наводно платил нешто повеќе од 180.000 евра „некниговодствено“ за приватни услуги.
Набрзо следеше соопштение од неговиот тим, во кое се наведува дека сè е направено во согласност со правилата. Тие додаваат дека Мбапе отсекогаш ги донирал сите свои бонуси што ги добивал за настапи во францускиот дрес, а тоа го сторил и по Светското првенство во 2022 година кога парите отишле во хуманитарни организации и безбедносен персонал што ја придружувал репрезентацијата.
Фото: Принтскрин