Македонија
(Видео) Лашкоска: Прилепчани ќе треба да си замислуваат дека мостот кај Сточен пазар е мост на Босфор?
Мостот кој требаше да биде почнат да се гради пред една година, а пред 2 дена го најави градоначалникот Јованоски предизвика бројни реакции. Во својата изборна програма градоначалникот Јованоски и СДСМ ветија дека ќе градат обиколница во западниот дел од градот. И ако сега градоначалникот алудира дека со изградбата на мостот кај Сточен пазар, во зачеток е изградба на обиколница, мора да кажеме дека и самиот тој е во голема заблуда, изјави Ане Лашкоска од ВМРО-ДПМНЕ.
„Но, еве нему не му земаме за зло затоа што е лекар, но недозволиво е неговите советници да го манипулираат. Дека СДСМ е мајстор за спинување не постои човек на кого не му е јасно па се поставува прашањето дали ќе ја спинуваат и лагата дека овој сега многу популарен мост е дел од обиколницата? Повторувам, ветување кое е дел од програмата на Јовановски и СДСМ.
Мостот кај Сточен пазар е само составен дел од собирна сообраќајница на ул. Трајко Николоски, која ги поврзува локалните улици од населбите кои ја тангираат оваа улица.
Апсолутно не сме против изградба на мост, но со ова решение кое го промовираше Јованоски се решава мостот, а се отвораат сообраќајни проблеми. Ова стеснување – проширување – стеснување, односно од тесна улица ќе се влегува во мост со 4 ленти, па на другиот крај повторно се излегува на тесна улица, може да биде причина за сообраќајни проблеми. Па велосипедски патеки кои кажа дека ќе ги има на мостот…што значи тоа? Луѓето по тесната улица на рамо да носат велосипед, па 20-тина метри на мостот да возат, па повторно велосипедот на рамо, во исто време кога по улицата ќе врват тешки товарни возила?
Дали со изградбата на овој мост главна улица за движење на тешки товарни возила станува улицата Трајко Николоски, а со тоа овие тешки товарни возила ќе поминуваат низ населбите кои ја тангираат оваа улица? Граѓаните на Прилеп, а особено жителите на овие населби ја заслужуваат вистината! Ова нè наведува да мислиме дека единствената и главна цел со изградбата на овој мост е само перење пари!
Градоначалникот и општината означија отпочнување на овој проект точно по една година откако го потпишаа договорот за изградба на мостот. Имено, на 10.5.2019 година градоначалникот потпишал договор со изведувачот и во членот 4 од овој договор стои дека времетраењето на договорот по оваа јавна набавка изнесува 365 дена, или една година. Во членот 2 од договорот стои дека општината на изведувачот за завршената работа ќе му исплати 29.999.140 денари.
На месец дена пред истекувањето на овие 365 дена од првиот договор општина Прилеп, претставувана од градоначалникот Јованоски потпишува нов договор, повторно со истиот изведувач и повторно за истиот мост кој до тој момент воопшто не е почнат да се работи. Вториот договор е потпишан на 9.4.2020 година, значи минатиот месец, и повторно во член 4 од овој договор стои дека времетраењето на договорот по оваа јавна набавка е 365 дена, а вредноста на вториот договор е 13. 999. 517 денари. Тоа стои во членот 2 од вториот договор.
Интересно е што и двата договора се предвидуваат средства за исти позиции. Ако во првиот тендер испуштиле нешто да внесат, зошто тоа не го регулирале со анекс на договор, туку повторно се распишува тендер со кој се предвидува огромна сума средства?
Со оваа сума за мост, ние како граѓани на Прилеп најверојатно ќе треба да си замислуваме дека ова ќе биде мост на Босфор или можеби мост на Темза“, истакна Лашкоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова: Работниците и синдикатите со право протестираат за повисоки плати и пошироки права
Порака од претседателката Сиљановска-Давкова по повод 1 Мај – Меѓународниот ден на трудот:
Денеска го славиме 1 Мај – Меѓународниот ден на трудот, ги славиме оние кои работат вредно, посветено и пожртвувано, како и сите оние кои оставиле историски печат во долгата и тешка борба за вреднување на работничкиот труд и почитување на работничките права.
На овој ден им оддаваме заслужена посебна почит и признание на работниците – генерации и генерации на мнозинството луѓе со најголем придонес во создавањето и изградбата на државата и општествените вредности.
Први мај е ден кога работниците и синдикатите со право протестираат за повисоки плати и пошироки права, потенцирајќи го социјалниот карактер на македонската држава што има уставна обврска да води сметка за хуманизмот, социјалната правда и солидарноста како темелни вредности на уставниот поредок.
Први мај е вистинскиот ден кога ние, носителите на власта треба да се запрашаме: дали и како се остварува правото на работа, дали секој има слободен избор на вработување, дали вработените се заштитени при вработувањето, дали се соодветно материјално обезбедени при невработеност, дали секому под еднакви услови му е достапно секое работно место, дали заработувачката е соодветна на трудот, дали секој вработен има право на дневен, неделен и годишен одмор, дали се почитуваат колективните договори?
Пред нас се многу проблеми и дилеми што мора да се надминат.
Социјалната правда не смее да се применува селективно, ниту да се перцепира како недостижен идеал. Таа е невозможна без соодветно вреднување на човековиот труд и без уважување на работничкото достоинствено. Тоа подразбира правична плата, квалитетни услови за работа, безбедност и сигурност во работењето, можност за надградување и напредување.
Во демократски политички систем мора да се слуша гласот на работникот, да се почитува синдикалното организирање и правото на штрајк, да се негува социјалниот дијалог, да се гради партиципативна демократија.
Убедена сум дека само задоволниот работник може да биде продуктивен, ефикасен и ефективен.
Да го чуваме и да вложуваме во нашиот највреден ресурс – човекот!
Честит 1 Мај – Денот на трудот!
Македонија
ВМРО-ДПМНЕ: Левица да каже како од левичарска партија се стекна со имот вреден 1 милион евра за 400 000 евра
Партија која гласно се претставува како борец за правда наеднаш се здобива со имот кој вреди 1 милион евра, а Апасиев го купува за 400 000 евра, и притоа манипулира како тоа било подрум, подрум од 409м2, реагира ВМРО-ДПМНЕ на обвинувањата на Левица.
„Левица глумат револуционери и како тие ќе го ‘спасат’ системот преку театрални настапи, кои инаку се популистички, а зад кулисите прават зделки за моќ, привилегии и удобност.
Колку од нивната гласна идеологија е продадена со тој договор?
Нивното “храбро“ однесување претставува само обид за да го одвлечат вниманието на граѓаните, додека тие самите тивко се интегрираат во системот, и си ги продаваат тие идеали позади кои тврдат дека стојат.
Додека нивните членови јавно ги напуштаат преку фејсбук објави, Апасиев купува имот вреден тројно повеќе, во центар на Скопје од 409м2, и лаже дека купил подрум и си го манипулира членството, за притоа да пие кафе во истиот објект каде другар му отвори кафуле.
Од “борци“ станаа пиуни со двојни стандарди и ја претворија Левица во приватна сопственост. Партија која тврди дека се бори против елитизам сега има лидер елитист.
Левица да каже од каде им се средствата и како се вклопуваат во сликата на антикапиталистичка партија, многу лесно ги променија боите, а можеби само левичарската црвена на Апасиев не била ништо повеќе од костим“, се вели во соопштението на ВМРО-ДПМНЕ.
Македонија
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија (ССМ) на првомајскиот протест повика на зголемување на платите за работниците. Беа побарани достоинствени услови за работа и почитување на колективните договори.
Претседателот на ССМ, Слободан Трендафилов, рече дека работниците имаат многу причини да протестираат, а малку да празнуваат.
„Денеска протестираме за плата, денеска одиме пред Собрание, Стопанска комора и Влада да кажеме дека бараме 500 евра минимална плата, дека бараме за 100 евра зголемување на сите останатите плати, да бараме почитување на колективните договори за зголемување на платите и дека бараме пристојна плата за секоја работа“, истакна Трендафилов.
Конфедерацијата на слободни синдикати (КСС) претходно најави дека нема да учествува на протестот, бидејќи претседателот Благоја Ралповски смета дека во земјава има добар социјален дијалог и дека проблемите секогаш се решаваат на маса.
Сиљановска-Давкова: Работниците и синдикатите со право протестираат за повисоки плати и пошироки права
Порака од претседателката Сиљановска-Давкова по повод 1 Мај – Меѓународниот ден на трудот: Денеска го славиме 1 Мај – Меѓународниот...
Украина за стратешкиот договор со Америка: „Ова е пресвртница“
Украинскиот министер за надворешни работи, Андриј Сибиха, го поздрави договорот за минерали потпишан со Соединетите Американски Држави како важна пресвртница...
„Платите во Македонија се мизерни“ – синдикалците побараа минимална плата од 500 евра
Платите во Македонија се мизерни и не се зголемуваат онака како што е предвидено со колективните договори. Сојузот на синдикати на Македонија...
(Видео) Власта за четири месеци потрошила 30.000 евра на јадење по ресторани, вели Кузеска од СДСМ
Портпаролката на СДСМ, Богданка Кузеска, објави дека во држава каде што работниците бројат денови до платата, министри од ВМРО-ДПМНЕ трошат...
Приведен полицаец од Струмица кој пукнал во канцеларија додека проверувал пиштол
Полицијата го приведе нејзиниот колега, А.Б.(52), кој се сомничи за предизвикување опшгта опасност. На 30 април во службена просторија на...
Работниците се темелот за иднината на Македонија, велат од ВМРО-ДПМНЕ во честитката за 1. Мај
ВМРО-ДПМНЕ останува посветена на нови економски политики и подобрување на стандардот, работниците се темелот за иднината на Македонија, велат од...
Шефот на Пентагон му се закани на Иран: Знаеме точно што правите, ќе се соочите со последици
Американскиот министер за одбрана Пит Хегсет го предупреди Иран дека ќе се соочи со последици за поддршката на Хутите, група...
Америка и Украина го потпишаа долгоочекуваниот договор за минералите
Вашингтон и Киев го потпишаа долгоочекуваниот договор за природните ресурси на Украина по неколкумесечни напнати преговори. Иако деталите од договорот...
Колони возила и утрово на граничниот премин со Грција
Големи колони има и утрово на граничниот премин со Грција, на излез од државата. Од АМСМ велат дека времето на...
По четири години поминати во бегство фатен затвореник од Идризово
Полицијата го приведе А.А. од Скопје, 54-годишен затвореник од Идризово, баран со централна и меѓународна потерница поради бегство од затворот....
Поддршка од министерот за правда за Пандов чијашто куќа беше запалена: „Случајот бара одлучна акција“
Министерот за правда Игор Филков најостро го осудува палењето на куќата на директорот на Управата за извршување на санкции, Александар...
Кирков: Вработените во ЗОО последно земале февруарска плата
До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање...
ССМ утре на протест со истото барање како и лани: Протестираме за најмалку 500 евра минимална плата
Исто како и на ланскиот првомајски протест, и оваа година Сојузот на синдикатите на Македонија (ССМ) ги повика работниците и...
Незаконски и неуставно е одобрението за отворање на приватното средно училиште „Медресеја Иса Беу“ во Кондово, одлучи Уставниот суд
Уставниот суд денеска ја укина одлуката за давање одобрение за основање на приватното средно училиште „Медресеја Иса Беу“ во село...
(Фото) Злато, сребро, лаптопи, велосипеди и друга стока запленети од Царинската управа при откриени обиди за шверцување
Царински службеници на граничен премин Богородица спречија обид за криумчарење на сребрен накит во вредност од 430.880 денари. Сребрениот накит...
Димитровска: Осомничениот ми е семеен пријател, разговорите не се поврзани со „Адитив“
Петседателката на Комисијата за спречување на корупцијата, Татјана Димитровска, вели дека еден од осомничените од случајот „Адитив“, во кој и...
50-годишник од Охрид повеќепати силувал малолетничка, која се породила во март годинава
СВР Охрид поднесе кривична пријава против 50-годишниот С.Т. од Охрид, поради постоење основи на сомнение за сторено кривично дело „силување...
Вонреден состанок на Божиновска и Бислимовски: МЕПСО може да исклучува фотоволтаици за стабилен систем за 1 Мај
По насока на министерката за енергетика Сања Божиновска, за претстојниот празник 1 Мај повторно ќе се активираат мерките што беа...
„Дали криминалот во „Глобал“ тежок 8 милиони евра, за кој Заев беше амнестиран, е дело на кое Филипче се воодушевува и од кое народот треба да учи“, прашува ВМРО-ДПМНЕ
„Владеењето на Зоран Заев, како на локално, така и на централно ниво беше проследено со криминални и корупциски скандали. Во...
СДСМ: Мерките на Владата за намалување на цените беа неуспешни, граѓаните плаќаат највисоки цени во регионот
„Економската криза сè повеќе го погодува џебот на граѓаните, а Владата предводена од ВМРО-ДПМНЕ не само што не успеа да...
