Македонија
Филипче во Грција ќе го договара отворањето на границите и аеродромите
Здравствените власти почнуваат со регионални состаноци заедно со претставници од владите во регионот по најавите на некои од соседните земји за отворање на границите. Министерот за здравство, Венко Филипче, за отворањето на границите вели дека е многу важен координиран пристап.
„Од исклучителна важност е координиран пристап во однос на транзитот, посетите и здравствените протоколи што ќе се имплементираат за побрзо и побезбедно патување во текот на летото. Европската комисија вчера излезе со пакет-мерки за патување во Европската Унија, каде што ќе се препорача ваков координиран пристап за олеснување на рестриктивните мерки. И ние ги почнуваме препораките, денес ќе патувам на состанок со министерот за здравство на Грција. Ќе размениме искуства за досегашното менаџирање на кризата, кое треба да помогне и за понатамошната битка со вирусот. Ќе разговараме и за подготовка за следниот период за кога се очекуваат нови пикови и најважното – отворањето на границите и аеродромите имајќи предвид дека нашата земја повторно ќе го отвори коридорот север – југ кој е многу оптоварен во летните месеци“, рече министерот Филипче.
Тој нагласи дека вчера ги регистрирале многуте реакции на јавноста во однос на одлуката да се дозволи посета на функционери на соседни земји. Уверува дека не станува збор за ништо друго, освен состаноци за координирање на активности за мерките за кои треба регионален пристап.
„Нема кои било функционери да патуваат“, објасни министерот Филипче.
Ваквите патувања е предвидено дека ќе се одвиваат во согласност со препораките на Комисијата за заразни болести и по протокол од Комисијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.