Свет
(Видео) Исчезнаа 22 експонати од мексиканскиот Музеј на мумии
Поранешната директорка на светски познатиот Музеј на мумии во мексиканскиот град Гванахуата, ги обвини локалните власти за исчезнувањето на 22 експоанти и го повика Унеско да преземе мерки, за да се сочува оваа најголема збирка мумии.
Missing mummies: 22 have disappeared from Guanajuato’s collection. https://t.co/6wbeBpmE1z pic.twitter.com/VypUV7zJPn
— Mexico News Daily (@mexicond) May 14, 2020
Некогашната директорка, сега промотор на културни настани, Палома Рејес Лакајо, и претходно поради слични проблеми му се обраќаше на Националниот институт за антропологија и историја, а сега посебно зошто пред отворањето на културните институции во Мексико, по пандемијата на коронавирусот, забележано е дека недостигаат некои мумии.
Според неа, се работи за невнимание и негрижа.
„Верувам дека најверојатно дошло до скелетонизација, односно распад на меките ткива и дека останале само коски“ претпоставува ексдиректорката.
Рeјес Лакајо предупредила дека културната градина е загрозена бидејќи локалните власти дозволуваат мумиите да се изнесуваат и изложуваат по фестивали и саеми низ Мексико. Носени биле дури и на трки со автомобили без соодветна дозвола или почитување на протоколот за заштита. Официјално не е ни дозволено изнесување на мумиите од Музејот.
Иако Музејот на мумии може да се пофали со колекција од 117 мумифицирани остатоци – со 111 целосни женски и машки тела, четири глави и два фетуса, Рејес Лакајо тврди дека сега има само 95.
Мумиите се природно мумифицирани тела на починати, кои биле ископани од гробиштата Свети Павле во Гванахуату, главен и најголем град на истоимената држава, позната по борбата за мексиканска независност. За време на епидемијата на колера од 1826 до 1851 година починале многу луѓе и телата се веднаш погребани за да не се ширела болеста.
Кога градските власти вовеле такса за гробно место почнало со ексхумација на сите починати за што наследниците не биле во можност да платат. Извесен број на тела, најверојатно поради квалитетот на земјата и обилните дождови, останале природно мумифицирани, па таквите тела биле сместени во една зграда. Потоа се појавил голем интерес за оваа природна состојба, па голем број луѓе биле подготвени да платат за да ги видат мумиите.
Првата мумија е изложена уште во 1865 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.