Спорт
Корона вирусот ќе ги чини врвните клубови фантастични 3.5 милијарди фунти
Најдобрите европски клубови ќе загубат повеќе од 3.5 милијарди фунти поради корона вирусот и покрај надежта дека националните шампионати и европските натпреварувања ќе се комплетираат во текот на летото, тврди „Би-би-си“.
Бројката е одредена на состанокот на најбогатите европски клубови минатата недела, а доколку не се комплетираат шампионатите, оваа сума ќе порасне на 6.2 милијарди фунти. Германската Бундеслига се рестартираше овој викенд, а има план за враќање на Премиер лигата, Ла лига и Серија А во јуни, додека француската Лига 1 веќе е откажана.
Самата сума покажува зошто клубовите се фокусирани на комплетирање на натпреварувањата, кои вклучуваат и 203 дуели во два меча на клубовите од 55-те членки на УЕФА во европските купови.
Една од главните пречки за рестартот се медицинските протоколи. Тим Маер, кој ја предводи медицинската комисија на УЕФА, исто така е одговорен за протоколот на Бундеслигата, која успешно се врати овој викенд, а владините барања се главна пречка и во Италија.
И со рестартирање на лигите, јасно е дека гледачите нема наскоро да се вратат на стадионите, што претставува голем проблем за клубовите кои имаат огромна бројка на фанови. Борусија Дортмунд на пример губи речиси 3 милиони евра по домашен натпревар, а Манчестер јунајтед би загубиле 140 милиони фунти во 2020/21 доколку на „Олд Трафорд“ нема гледачи.
„Во моментов најголем проблем претставува недостатокот на пари од мечевите, приходи кои едноставно исчезнаа. Ова е финансиски уништувачки за сите клубови, посебно на тие со голема база на навивачи. Најпопуларните клубови во Европа исто така се двигатели на пазаротн а играчи и на правата за ТВ-преноси, со што сите ќе страдаат, и големите и малите“, вели Чарли Маршал, извршниот директор на Европската асоцијација на клубови (ЕЦА), собирот на најбогатите клубови на светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.