Речиси 130 Палестинци се убиени во Појасот Газа, во палестинската енклава во која израелската армија веќе 23 дена ја спроведува офанзивата под наслов „Линија на одбраната“ во којашто загинаа веќе од 1.300 луѓе, соопшти во четвртокот портпаролот на палестинското министерство за здравство, Ашраф ал-Кидра, кога се пријавени и нови настрадани во уште еден напад врз училиште на ОН.

Најкрвавиот напад изминатиот ден беше изведен врз училиште на Обединетите нации во кое беа засолнати бегалци во северниот град Џебалија и бомбардирањето на пазар во источната периферија на главниот град на енклавата Газа во време на ткн „хуманитарно примирје“. Вината за двата напада Палестинците ја префрлаат на Израел, кој се воздржа од коментари.

„Во средата 129 луѓе загинаа, а 400 беа ранети. За време на целата операција загинаа вкупно 1.359 а ранети се 7.677 луѓе“, изјави за новинарите ал-Кидра, додавајќи дека во главната болница во Газа веќе нема слободен кревет за згрижување на ранетите.

Израелската армија потврди дека во средата загубила тројца припадници на специјалните сили „Маглан“. Тие биле во истражување на еден од подземните тунели на милитантите од исламистичкото палестинско движење Хамас, чие уништување е главната цел на операцијата, откриен во еден дом во јужниот дел од Појасот Газа, кога палестинските борци активирале две експлозивни направи поставени во двокатната куќа и тунелот. Од почетокот на кампањата загинаа 56 израелски војници, што е најголем број од либанската војна во 2006 година, како и тројца цивили меѓу кои еден е работник од Тајланд.

По последниот редовен состанок на воено-политичкиот кабинет на израелскиот премиер Бенјамин Нетанјаху, властите соопштија дека имаат намера да продолжат со операцијата „во ист формат“ со кратки „хуманитарни паузи“ за поддршка на цивилното население во Газа. Целта на копнената офанзива, којашто започна пред две седмици и се надоврза на воздушните напади врз енклавата, е пребарувањето и уништувањето на мрежата од десетиците подземни тунели кои палестинските милитанти ги користат за да се префрлат зад границата на израелска територија.

Во четвртокот претпладне уште 15 палестински бегалци во училиште на ОН во северниот дел од Појасот Газа, во напад на израелски авион врз џамија која се наоѓала во близината. „Петнаесет Палестинци се ранети, двајца од нив сериозно, во училиштето Џебалија, којашто ја води агенцијата на ОН за помош на палестинските бегалци UNRWA, во напад на израелски авијации насочени на блиската џамија“, изјави ал-Кидра.

Во средата 16 Палестинци се убиени во истиот бегалски логор во напад на друго училиште на ОН во кое многу Палестинци најдоа засолниште. Вкупно 83 училишта на ОН примија илјадници бегалци пред израелските напади.

Споменатата агенција на светската организација во средата остро го осуди израелскиот напад врз училиштето на ОН, предупредувајќи дека станува збор за „сериозно кршење на меѓународното право“, а која треба „да се понесе одговорност“.

САД и ОН во средата, исто така, го осудија нападот врз училиштето на ОН во Џебалија, во која заштита побараа повеќе од три илјади палестински бегалци. Затворена на мал простор, палестинската енклава во која живее 1,8 милиони Палестинци од 2006 е под целосна израелска блокада, а покрај затворената граница со Египет во 2012 година, Палестинците во Газа се без можност да најдат безбедно засолниште или излез од енклавата во која се водат борбени дејствија./крај/мф/сн

Извор: Reuters/РИА Новости