Познатиот овчар Иснифарис Џемаили скоро две години не се појавил во затвор, поради наводно лекување, па Основниот суд Скопје 1 издал наредба за негово повторно приведување.

Полицијата го привела деновиве за издржување на затворската казна од три години и шест месеци за криминалот во случајот Бачило.

Откако во 2011 сам се пријави на издржување на затворската казна, брзо потоа на негово барање, Основниот суд Скопје 1 на 27 април 2011 донел решение да биде пуштен на лекување поради влошена здравствена состојба.

Но до декември минатата година не донел во затворот ниту лекарска документација, ниту пак се пријавил во затвор. Основниот суд донел наредба за негово приведување.

Овчарот беше осуден на три и пол години затвор за случајот Бачило, во кој што успеа да и наплати на државата 720 илјади евра за наводно гранатирано Бачило во 2001 година.

Со овие пари започна незаконска денационализација на вредно земјиште, а во аферата беа вмешани 13 лица, нотари, адвокати за организираниот криминал од над 5 милиони евра.

Џемаили ги изгуби сите пари, откако судот донесе пресуда со која се поништуваат сите хипотеки со кои досега тој го штитеше имотот од конфискација.

Скопската полиција изминатата недела привела вкупно седум лица осудени на затворски казни со правосилни судски пресуди во траење од вкупно 13 години./крај/фф