Регион
Мигранти се судриле во БиХ, двајца убиени
Две лица се убиени во судир меѓу мигранти во близина на Цазин во северозападна Босна, потврди вечерва локалната полиција, пренесуваат тамошните медиуми.
Мигрантите се судриле во близина на селото Штурлиќ во близина на границата со Хрватска, а еден локален жител ја известил полицијата за инцидентот.
Портпаролот на Министерството за внатрешни работи на Унско-санската жупанија, Але Шиљдедиќ, потврдил дека полициската патрола која била испратена на местото на настанот пронашла двајца мажи кои не покажувале знаци на живот.
„Имаа видливи повреди нанесени на телото со ладно оружје“, рекол Шиљдедиќ
Полицијата, исто така, потврдила дека се повредени голем број мигранти.
Министерот за внатрешни работи на округот, Нермин Кљајиќ, рекол дека во тој дел од БиХ имаат растечки проблеми со мигрантите кои масовно почнуваат да доаѓаат таму.
„Последниве денови се забележува дека голем број мигранти доаѓаат од Република Српска. Многу од нив се во шумите, а поставени се повеќе од 30 шатори. Има околу 500 мигранти само во областа на Трзац”, рекол тој, објави „Дневни аваз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.