Полската премиерка Беата Шидло ја предупреди во четвртокот во Братислава на неформалниот самит на Европската унија без Велика Британија, дека ЕУ каква што е сега се распаѓа.

Шидло истакна дека е неопходно да се извршат темелни реформи, со што би се спречило излегувањето на другите членки, како што беше случајот со Велика Британија.

Челникот на Европската комисија, Жан-Клод Јункер, пак, вели дека се потребни „помалку национални држави во ЕУ.“

„Не. Ние велиме посилни национални држави. ЕУ каква што е сега се распаѓа. Доколку не спроведеме реформи, доколку не ја промениме и другите држави ќе сакаат да ја напуштат ЕУ“, изјави Беата Шидло за полската приватна телевизија TVN24.

Премиерката ги критикуваше најавите од Брисел и од словачкото претседателство со ЕУ дека неформалниот самит во Братислава ќе биде, пред сé, посветен на тоа да се скенира ЕУ со своите проблеми и да се направи нејзина дијагноза, и дури тогаш да се започне со процесот на решенија кој ќе биде завршен во пролет во Рим на прославата 60 години од потпишувањето на Римскиот договор со ЕУ.

ЕУ мора да се реформира и тие реформи да бидат длабоки. Можеби ќе мораме да разговараме и за измените во основните договори.

„Полска презема одговорност за ЕУ. Ако ЕУ треба да опстане и ако треба да им служи на европејци, ако треба да се сконцентрира на развивањето и безбедноста, тогаш мора да се промени. Досегашната политика предизвикуваше кризи“, вели Шидло.

Полската премиерка ги обвини претседателот на Европскиот совет, Доналд Туск, претседателот на Европскиот парламент, Мартин Шулц и претседателот на Европската комисија, Жан-Клод Јункер, дека кризата ги носи нивните имиња.

„Досегашната политика доведе до криза. Таа криза има конкретно име, името на оние лидери кои не реагирале соодветно и навремено. Тоа се лидерите кои денес стојат на чело на европската институција. Тие денес се обидуваат да го предложат досегашниот модел на ЕУ и тврдат дека ништо не се случило“, додава Шидло.

Беата Шидло ја одби резолуцијата на ЕП во која европратениците бараат од полската власт, според нив, да престане да го блокира Уставниот суд и да најдат решение на спорот во согласност со препораките на Венецијанската комисија на Советот на Европа, затоа што се парализира Уставниот суд и различни контроверзни закони, на пример оној со кој јавните телевизии и радио сервисот, како и националната агенција ПАП се претворени во државни медиуми или постои максимална политизација на државната управа каде што наместо главен критериум е партиската лојалност, загрозувањето на демократијата, основните права на Полска и правната држава на Полска.

ЕП во ваков тежок момент за ЕУ се занимава со дебата која нема формална основа. Дозволи да биде вовлечен во играта на полската опозиција, кажа полската премиерка заTVN24./крај/мф/љс

Извор: TVN24