Спорт
Лацио ќе преговара за Милинковиќ-Савиќ, но нема да го даде на попуст

Спортскиот директор на Лацио, Игли Таре, признава дека римскиот клуб ќе ги слушне сите понуди за српскиот фудбалер од средниот ред, Сергеј Милинковиќ-Савиќ, но нема да го даде на „попуст“ поради кризата предизвикана од корона вирусот.
Популарниот СМС претходно беше поврзуван со трансфери во Манчестер јунајтед и Пари Сен-Жермен, но и во италијанските ривали Интер и Јувентус. Лацио претходно објави дека очекува барем 100 милиони евра за него и Таре не очекува пад на цената за „првокласните“ фудбалери како 25-годишниот Србин.
„Едно е сигурно, сега не мораме да продаваме. Многу работи ќе се сменат на пазарот на фудбалери поради пандемијата која трансформираше многу работи и мораме да бидеме креативни, заддржувајќи ја нашата визија за иднината. Мислам дека за првокласните фудбалери нема да има пад на цените. За тие од средината и од дното ќе има надолен тренд. За Милинковиќ-Савиќ, неговата врска со градот и со Лацио никогаш нема да се уништи. Ако тој сака, тогаш ќе ја процениме одлуката без притисок и за доброто на двете страни. Ако има можност која го задоволува клубот и фудбалерот, ќе направиме проценка. Ако не, ние сме среќни тој да остане со нас“, вели Таре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најголема „кражба“ ова лето, Езе го чекаа во Тотенхем тој замина во Арсенал

Еберечи Езе реши да ја продолжи кариерата во Арсенал по ненадејниот пресврт во финишот на преодниот рок. До вчера, Арсенал и Тотенхем се бореа за неговиот потпис, а англиските медиуми објавија дека договорот со Арсенал е завршен за еден ден. Станува збор за 26-годишен офанзивен играч од средниот ред кој има договор со Кристал Палас до летото 2027 година.
Во текот на изминатата недела, се чинее дека прашање на денот е кога Тотенхем ќе го комплетира трамсферот на Езе, кој изјави дека сака да се пресели во редовите на Спарс.
Фабрицио Романо напиша: „Директорите на Тотенхем и Кристал Палас, Даниел Леви и Стив Париш, се во директен контакт околу трансферот на Еберечи Езе. Спарс прифатија да испратат фиксна понуда од 65 милиони евра плус 10 милиони бонуси. Езе потврди дека сака да се приклучи на Тотенхем.“
Неверојатниот пресврт се случи доцна синоќа, објави Дејвид Орнштајн. Арсенал ја изедначил таа понуда и додал бонуси.
„Андреа Берта му се јавил на Езе и кој веднаш му наредил на својот менаџер да прекине каков било контакт со Тотенхем. Сопственикот на Кристал Палас Париш денес додека пазарувал бил воодушевен од тоа колку брзо Берта успеал да ја изведе оваа „кражба“. Џош Кронке веднаш дал зелено светло да го донесе. Езе ќе помине медицински прегледи до крајот на неделата и ќе биде претставен како нов играч на Арсенал“, тврди Орнштајн.
Познато е дека Езе порано навивал за Арсенал. Пред неколку години, тој рекол: „Јас сум нивен навивач уште од мал. Играв таму во младинските категории. Отсекогаш го сакав Тиери Анри и тоа беше една од причините зошто дојдов во академијата на Арсенал. Секако, сакав да играм за клубот што го сакам и да растам со нив.“
Инаку, Арсенал започна преговори со Палас откако поливалентниот напаѓач Каи Хаверц заработи повреда на коленото.
Foto/ EPA/DANIEL HAMBURY
Спорт
Ерани и Вавасори го освоија Ју-ес опен во мешани двојки

Италијанскиот пар Сара Ерани и Андреа Вавасори го освоија премиерното издание на новиот формат на турнир во мешани двојки на Отвореното првенство на САД.
Во финалето, тие ги победија Каспер Руд и Иго Швјонтек со резултат од 6:3, 5:7, 10:6.
На овој начин, тие ја освоија третата титула на последните пет Гренд слем турнири, а воедно ја одбранија онаа што ја освоија минатата година во Њујорк.
Како победници, Ерани и Вавасори заработија милион долари, а триумфот им е уште подраг бидејќи беа меѓу најгласните критичари на новиот формат во мешани двојки на Отвореното првенство на САД.
foto/ EPA/JUSTIN LANE
Спорт
(Видео) Хаос во Јужна Америка: Крвава пресметка на хулигани – дете претепано со шипка, има и мртви?

Невидено насилство го одбележа натпреварот во Буенос Аирес помеѓу Индепендиенте и Универсидад де Чиле.
Станува збор за реваншот од осминафиналето на Копа Судамерикана, кој не беше завршен поради дивеењето на навивачите на трибините. Прекинот се случи во текот на второто полувреме кога ситуацијата ескалираше.
Сè започна во текот на првото полувреме кога гостинските навивачи, кои беа сместени во горниот дел од трибината над домашната екипа, фрлаа столчиња, експлозивни направи, камења… според сведоштвата на навивачите на Индепендиенте.
🔴 AHORA | Se tomó la determinación de abrir el portón para que la gente de #Independiente que estaba en la Pavoni Baja pase a la Bochini Baja. Es un papelón. Lo de @CONMEBOL es una vergüenza. pic.twitter.com/LsuKfAzwTX
— Juan Ignacio Egido (@JuanchiEgido) August 21, 2025
Водителот ги повика Чилеанците да го прекинат тоа, додека домашната екипа ги напушти своите места, некои од нив крвави. Потоа следеше реакција на „Бара брава“, навивачка група на Индепендиенте позната по своето насилно однесување. Тие преминаа од другата страна на стадионот и влегоа на трибината каде што беа стационирани Чилеанците. Следеше насилство кое траеше неколку минути.
SUSPENSIÓN YA PARA ESA CANCHA DE MIERDA PREFABRICADA DE #INDEPENDIENTE Y PROHIBICIÓN PARA PARTICIPAR POR COMPETENCIAS INTERNACIONALES POR 10 AÑOS.
UN DÍA SE TIENE QUE TERMINAR LA JODA. pic.twitter.com/kNgNagFHOs
— #ElMasGrandeLejos 👑 (@MasGrandeRP) August 21, 2025
Гостинските навивачи, кои ја обвинуваат другата страна за инцидентот откако украдоа едно од нивните знамиња, беа евакуирани предоцна. На горното ниво избувна масовна тепачка, пожари избувнаа на неколку места, додека автобусот на тимот на Универзидад беше уништен.
Аргентинските хулигани не одбраа со кого ќе си играат, па на видеата и фотографиите може да се види како еден од нив удира дете со стап.
El mismo tipo con camiseta de Independiente, paño rojo en la cabeza y barra de metal en la mano, esta involucrado en al menos dos graves agresiones segun estos registros. #UdeChile #Mataron #CopaSudamericana pic.twitter.com/N5IoVw0LLF
— el trueno (@eltrueno) August 21, 2025
Иако официјалните лица во среда вечерта објавија дека нема мртви, според неофицијални извори, тројца од нив ги загубија животите. Повредените се пребројани, додека повеќе од 300 лица се уапсени.