Црна хроника
Полицијата има осомничен за убиството во Тетово
Полицијата има осомничен за убиството што се случи во Тетово во средата вечерта пред локалот Али Баба.
Станува збор за дваесет и двегодишен тетовец кој се уште е во бегство. Според информации од МВР, полицијата го пронашла автомобилот на осомничениот во близина на локалот Али Баба, кој е однесен во СВР Тетово за вештачење.
Извршен е и претрес во домот каде што живееле осомничениот тетовец, во сопственост на неговиот татко. Таму полицијата пронашла три гасни пиштоли, пет кујнски ножеви и еден нож на преклопување.
Пронајдените предмети се одземени за понатамошно вештачење. Во средата вечерта едно лице почина, а уште две други беа повредени во тепачка што се случи пред локалот Али Баба во Тетово.
Во локалот имало приватна забава којашто ја обезбедувале 38-годишниот Рамадан Адеми, 31-годишниот Нусрет Шабани и 30-годишниот Башким Цека од Тетово.
Обезбедувачите биле нападнати од три непознати лица на кои не им било дозволено да влезат во локалот. Еден од напаѓачите извадил нож и ги избодел тројцата обезбедувачи. Аслани им подлегнал на повредите, а другите двајца завршиле со повреди./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.