Македонија
„Сите заедно можеме“ достави храна до сите народни кујни во државата
Граѓанското здружение „Сите заедно можеме“ почнува со реализација на нова хуманитарна акција за достава на помош до сите народни кујни во државата.
„Преку оваа хуманитарна акција сакаме да им помогнеме на граѓаните што се најранливи во време на оваа глобална пандемија, но во исто време да им помогнеме да им олесниме и на надлежните институции што се грижат за овие наши сограѓани. Нашата цел е со оваа хуманитарна акција да ги опфатиме сите 49 народни кујни во земјата, кои опслужуваат речиси 3.200 граѓани, на кои оброкот им е неопходен. Веќе се запазени сите законски постапки, извршени се консултации со надлежното Министерство за труд и социјална политика, кое даде прецизни упатства за начинот на доделување на оваа наша хуманитарна донација.
Помошта во храна, компир, зелка, кромид, сол, брашно, месен нарезок, паштета, макарони и слични производи ќе стигне до секоја народна кујна во земјата, во секое населено место, во зависност од бројот на корисници што ги опслужува. Покривајќи ги и трошоците за транспорт, сакаме да ја ослободиме државата од какви било трошоци и затоа оваа наша донација нема да ја чини државата ниту денар. Хуманоста и помагањето се наши водилки, тука сме да им помогнеме на граѓаните сега кога помошта им е неопходна. Само хумани, сплотени, сите заедно, можеме да си помогнеме. Тоа е човечки, тоа е одговорно, тоа е вредно, за сите нас, за целата наша држава“, велат од граѓанското здружение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево со мала до умерена локална облачност
Сончево со мала до умерена локална облачност. Ќе дува слаб до умерен ветер претежно од северозападен правец. Минималната температура ќе биде во интервал од 8 до 16, а максималната ќе достигне од 19 до 27 степени.
Во Скопје сончево со мала до умерена локална облачност. Ќе дува слаб до умерен ветер од северозападен правец. Минималната температура ќе се спушти до 8, а максималната ќе достигне до 25 степени.
Следува период на стабилно време со пораст на дневната температура, освен во среда кога се очекува локален повремено пороен дожд со појава на ретки грмежи. Утринските температури ќе бидат пониски на почетокот на неделата, а потоа и тие постепено ќе се покачуваат.
Скопје
Посебен режим на сообраќај денеска во Скопје
СВР Скопје ги известува граѓаните на Скопје дека денеска поради официјална посета на претседателот на Владата на Република Србија, Милош Вучевиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до граѓаните да ги почитуваат наредбите што ги издаваат полициските службеници.
Скопје
Три скопски општини денеска без стурја
ЕВН Македонија АД известуваат дека денеска без електрична енергија ќе останат:
– во периодот од 07.30 до 14.30 часот, корисниците од селата Дељадровци, Миладиновци и Текија, како и корисниците приклучени на приватните трафостаници Макпетрол – Миладиновци – Плинара, ЖТП Миладиновци – Рампа и Патарина Миладиновци. (општина Илинден)
– во периодот од 08.20 до 11.20 часот, корисниците од улиците Карл Либнехт и Модест Мусогорски, објектот на детската градинка Детелинка, како и дел од корисниците од улиците Карл Хрон и Темко Попов. (општина Гази Баба)
– во периодот од 09.00 до 11.00 часот, дел од корисниците од ул. Милан Марковиќ.(општина Карпош)
– во периодот од 11.30 до 13.00 часот, дел од корисниците од ул. Гаврил Лесновски. (општина Карпош)
– во периодот од 11.40 до 14.20 часот, корисниците од улиците Карл Либнехт, Анри Барбис и Темко Попов, како и дел од корисниците од ул. Благоја Стевковски. (општина Гази Баба)