Тепачка меѓу браќа од две семејства од село Лопате, кумановско,  завршила со повредени на двете страни, соопшти полицијатаа.

Имено, во средата, околу 19.45 часот во село Лопате, кумановско поради предходна расправија браќата Ф.А.(33),Ф.А.(30) и уште едно засега непознато лице со автомобил „Фолксваген-Венто“со кумановски регистерски ознаки, му го попречиле патот на „Фолксваген-Шаран“ со австриски национални ознаки во кое се наоѓале В.З.(18), неговиот брат Ф.З.(18) и Р.А.(20).Првите излегле од возилото и Ф.А.(33) со дршката од пиштолот почнал да удира на страничното стакло на возачката врата од другото возило по што В.З. го стартувал возилото и тргнал, но удрил во заштитна ограда и застанал. Тие биле физички нападнати, а Р.А. бил удрен и со тврд предмет во пределот на главата. Со телесни повреди се здобил и Ф.З. по што повредените биле пренесени во Медицинскиот центар во Куманово за укажување лекарска помош. Полициски службеници од  СВР-Куманово излегле на местото на настанот и извршиле увид, а по трите осомничени лица се трага и се работи на целосно расчистување на случајот./крај/со/бб