Контакт

Економија

Објавена листата за државни картички, граѓаните што се изоставени може да поднесат барања

Објавено пред

Граѓаните што сметаат дека ги исполнуваат условите да добијат домашна платежна картичка, а не се на објавената листа за државна помош, имаат можност да поднесат барање да се преиспита нивниот случај.

dobivaj vesti na viber

Министерката за финансии, Нина Ангеловска, посочи дека е оставена можност листата на корисници да се надополни доколку е направена техничка грешка. Листата е објавена на веб-страницата kupuvamdomasno.gov.mk, а направена е врз основа на податоците од Управата за јавни приходи, Агенцијата за вработување, електронските дневници во средните училишта и податоците од државните универзитети.

„Оние што нема да се најдат на листата, а сметаат дека треба да се таму, доколку го впишат матичниот број, ќе им се појави упатство со имејл-адреса, на која може со барање да посочат дека треба да се најдат на листата. Оваа можност е оставена за да се види дали се работи за некаква техничка грешка“, рече министерката Ангеловска.

Веб-станицата е во функција од денес. Граѓаните што имаат право на државна помош се поделени во четири групи.

Во првата група се 115.927 граѓани, кои треба да добијат по 9.000 денари на картичката. Тоа се граѓани со низок доход, приматели на социјална помош и невработени, кои се активни баратели на работа регистрирани во Агенцијата за вработување до 22 мај и лани не оствариле доход поголем од 180.000 денари, а во првите четири месеци од годината немаат примања поголеми од 60.000 денари.

Во втората група се вработени со ниски плати. На листата се вкупно 117.144 лица. Тие ќе добијат по 3.000 денари еднократна помош, а ќе добијат и ваучер за туризам од 6.000 денари.

Третата група се млади со наполнети 16 години, не постари од 29 години, активни ученици или студенти на државните универзитети. Тие ќе добијат платежна картичка со три илјади денари, а на листата се ставени 87.014 лица.

Во четвртата група се 4.934 здравствени работници, кои како награда за лекување на заболените од коронавирусот ќе добијат 40 отсто од платата.

Картичките се печатат и до крајот на неделава треба да почне нивното доставување. Министерката Ангеловска извести дека картичките треба да им бидат доставени на корисниците најдоцна до 18 јули, а средствата треба да се искористат најдоцна до 15 август.

Платежните картички се за плаќање домашни производи и услуги, со што се очекува закрепнување на домашната економија.

На платежните картички на корисниците ќе бидат распоредени вкупно 27,8 милиони евра.

Економија

(Видео) Трипуновски: Од доставените 1.600 понуди за закуп на земјоделско земјиште, донесени се 982 одлуки за вкупна површина од речиси 2.862 хектара

Објавено пред

На крајот од минатата 2024-та година беа распишани 5 јавни повици за доставување на понуди за давање во закуп на земјоделско земјиште во државна сопственост до 3 и над 3 хектари, едниот повик ги опфати површините со насади со што се овозможува легализација на насадите кои ги имаат подигнато земјоделците, информира министерот за земјоделство, шумарство и водостопанство Цветан Трипуновски.

dobivaj vesti na viber

Според него, со распределбата и легализација на насадите, ќе се овозможи на сопствениците да склучат договор со Министерството и ќе се стави ред во користењето на земјоделското земјиште во државна сопственост.

До Министерството, како што соопшти изминатиот период пристигнале околу 1.600 понуди за давање во закуп на земјоделско земјиште во државна сопственост, и 220 понуди за легализација на земјиште над кое има подигнато долгогодишни насади.

Оцени дека овие бројки се доказ дека јавните повици предизвикале голема заинтересираност кај земјоделците.

„Можам слободно да кажам дека имаме успешно спроведени јавни повици за закуп на државно земјоделско земјиште. Јавните повици се спроведени без можност за било каква селективност, и да напоменам спроведени се за сите региони од нашата држава, односно опфатено е сето слободно земјоделско земјиште надвор од градежниот реон на општините. Комисиите напорно работеа за да ги разгледаат сите понуди кои што беа пристигнаа до Министерството. Дел од договорите веќе се доставени до подрачните единици на Министерството за да ги потпишат земјоделците и за краток период истите ќе бидат врачени до сите оние кои што добиле договор за користење на земјоделско земјиште. Од вкупно 1.600 понуди кои што беа доставени до Министерството, донесени се 982 одлуки за вкупна површина од околу 2.862 хектари. А, за повикот за легализација на насадите од 220 понуди кои што пристигнаа до Министерството, донесени се 160 одлуки за избор со вкупна површина од 380 хектари“.

Најави дека во претстојниот период ќе бидат распишани нови огласи за доделување на државно земјоделско земјиште се со цел да се стави во функција преостанатото земјоделско земјиште на земјоделците и да се создадат услови секој граѓанин кој што е заинтересиран да се вклучи во произведството на храна.

Со тоа, додаде тој, се отвораат нови можности за младите, за сточарите, за сите заинтересирани да се занимаваат со земјоделство.

Прикажи повеќе...

Економија

Божиновска со амбасадорките на WOBA: Лидерството не е машка привилегија

Објавено пред

Од

Министерката за енергетика, рударство и минерални суровини, Сања Божиновска, активно се вклучи во регионалната иницијатива Women on Boards Adria (WOBA), насочена кон јакнење на женското лидерство на највисоките управувачки нивоа – во управни одбори, извршни совети и клучни институции.

dobivaj vesti na viber

Како амбасадорка на WOBA за Македонија, Божиновска учествуваше на работен состанок со останатите амбасадорки од регионот, каде во фокус беа практични чекори за поголема застапеност на жени во одлучувањето – не како форма, туку како суштина на современото водење. Министерката ја искористи оваа платформа за да ја потенцира важноста на жените во лидерските улоги, што е во согласност со стратешките цели на Министерството за создавање на правична и конкурентна економска средина.

„Родовата рамноправност во водењето на институциите и компаниите не е само прашање на еднаквост и фер застапеност, туку клучен предуслов за современо, одговорно и инклузивно управување. Како министерка, мојата цел е да создадам услови каде што жените не само што ќе имаат пристап до одлучувачките позиции, туку и ќе бидат препознаени и вреднувани за нивниот придонес. Затоа го поддржувам секој процес што ја отвора вратата за повеќе жени во одлучувањето“, истакна министерката Божиновска.

Таа додаде дека Министерството за енергетика активно работи на политики кои промовираат еднакви можности, особено во сектори каде што жените традиционално се помалку застапени, како што е енергетиката. Во рамки на WOBA агендата, министерката присуствуваше и на мрежен настан посветен на инспиративно лидерство, храброст и влијание, каде со лидерки од регионот се разговараше за регионалната поддршка за жените во клучни улоги и конкретните алатки што им се потребни за да го засилат својот глас во управувањето.

Иницијативата Women on Boards Adria се залага за системска промена преку вмрежување, директна соработка со институции и бизнис-секторот и менторски програми.

Прикажи повеќе...

Економија

Димитриеска-Кочоска пред германските инвеститори во земјата: Владата обезбедува стабилност, предвидливост и партнерство во реализацијата на инвестициските планови

Објавено пред

Макроекономска стабилност, предвидливо бизнис окружување, даночна полтикика која се заснова на рамен данок и партнерски однос на Владата со компаниите во реализациија на нивните инвестициски проекти, е пораката што ја прати министерката за финансии Гордана Димитриеска-Кочоска до германски инвеститори на Генералното собрание на Македонско-германското стопанско здружение што се одржа во Скопје.

dobivaj vesti na viber

„Политиките коишто ги спроведуваме се насочени кон одржување на макроекономската стабилност. Нашите приоритети се дефинирани со Буџетот и со Фискалната стратегија и тие се однесуваат меѓу другото на обновување на довербата во институциите, преку зајакнување на безбедноста, ефикасна борба против корупцијата и криминалот, независност на правосудството и обезбедување на владеење на правото; економско заживување на земјата, преку унапредување на енергетската транзиција, поттикнување силен циклус на економски раст, стабилни јавни финансии, подобрување на севкупната транспортна инфраструктура, зголемување на животниот стандард, подобар и поквалитетен живот за секого; сеопфатно подобрување на квалитетот, инфраструктурата и достапноста во образованието, создавање општество базирано на знаење и успешно справување со современи предизвици, како и градење професионална и ефикасна јавна администрација, развој на дигиталната економија, ИКТ секторот, вештачката интелегенција, иновациите и стартап екосистем“, рече министерката и додаде дека напорите што ги вложува Владата се препознаени од странските инвеститори и во минатата година се реализирани рекордни 1,255 милијарди евра.

Таа посочи дека ваквиот тренд очекува да продолжи и во наредниот период и дека најдобрата порака што еден иден инвеститори може да ја добие за инвестирање во една земја е пораката од инвеститорот кој веќе инвестирал.

Потенцира дека врвен приоритет на Владата е економијата и остварувањето повисоки стапки на економски раст и дека Германија има особено значење за нашата економија, како најзначен трговски партнер, но преку реализираните странски директни инвестиции кои минатата година достигнаа над 200 милиони евра.

Пред германските компании порача дека Владата има идентичен пристап кон сите компании и дека гради партнерски однос и со домашните и со странските компании преку постојана комуникација со бизнис заедницата и разменување мислења и искуства во однос на креирање политики коишто се бидат од интерес на двете страни.

Прикажи повеќе...

Најново

Македонија48 минути

(Видео) Кузеска 30 дена по трагедијата во Кочани: Зошто се штитат актуелните полициски функционери, министре Тошковски, нели имате малку совест?

„Поминаа триесет дена од трагедијата во Кочани, во која го загубија животот 61 лице, а уште 200 беа тешко повредени....

Регион60 минути

Јотова: Постои обид од колегите од РСМ нормалните барања на Бугарија да ги претстават како каприц

Потпретседателката на Бугарија, Илијана Јотова, и еврокомесарката за проширување, Марта Кос, ќе разговараат за проширувањето на ЕУ кон Западен Балкан....

Македонија1 час

Ниеден обвинител не се повлекол од истрагата за Кочани, велат од ЈОРМ

Ниеден јавен обвинител не се повлекол од истрагата за пожарот во Кочани поради наводни притисоци и несогласување со правната квалификација,...

Македонија2 часа

Обвинителството бара построга казна за возачот кој ја усмрти Теодора: вложена жалба на пресудата

Основното јавно обвинителство Тетово изјави жалба на пресудата на Основниот суд во Тетово од 7.4.2025 година, со која обвинетиот М....

Македонија3 часа

Да се извинат Филипче и СДС што го лажеa народот дека Бугари во Уставот се единствениот услов за напредок на државата, вели ВМРО-ДПМНЕ

Бугарскиот министер за надворешни работи, Георг Георгиев изјави „уставните измени не се единствениот услов, тогаш допрва почнува процесот”. Оваа негова...

Македонија3 часа

„Таравари не може да бега од одговорност за затворената Кардиохирургија, која е стратешки интерес на државата“, велат од партијата Левица

„Министерот Таравари продолжува да ја крие сопствената одговорност позади некаква стручна комисија, која треба да утврди дали имало пропусти од...

Македонија3 часа

Кои се критериумите според кои едни се пуштени, а други остануваат во притвор, без доволно докази, прашуваат од ДУИ по трагедијата во Кочани

Демократската Унија за Интеграција со сериозна загриженост ги следи случувањата поврзани со трагичниот настан во Кочани и начинот на кој...

Свет5 часа

Мелони денеска кај Трамп: Ова е можеби единствената шанса на ЕУ

Во текот на денешниот состанок во Вашингтон, италијанската премиерка Џорџа Мелони ќе се обиде да го спречи американскиот претседател Доналд...

Македонија5 часа

Привремена измена на сообраќајот на автопатот А1, делница Демир Капија – Смоквица

Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 до...

Европа6 часа

Русите го нападнаа Днепар со дронови: двајца загинати, меѓу повредените и деца

Русија синоќа изврши масовен напад со дрон врз градот Днепар во југоисточна Украина, при што загинаа две лица. Серхиј Лисак,...

Свет6 часа

Израел: Ќе ги задржиме безбедносните зони во Газа и по војната

Израелскиот министер за одбрана изјави дека и по завршувањето на војната армијата ќе остане во таканаречените „безбедносни зони“ кои беа...

Македонија18 часа

Таравари тајно преговарал со Ахмети, Меџити вели дека не го исклучиле од коалицијата туку тој се самоисклучил

Не е веќе тајна бидејќи коалицијата „Вреди“ одамна забележа дека постојат преговори меѓу Таравари и Ахмети со вмешаност на одредени...

Македонија21 час

Се’ уште се прибираат докази во изгорениот „Пулс“, се вештачат телефони и лаптопи

Дел од обвинителите кои постапуваат во предметот за пожарот во кочанската дискотека „Пулс“, како и Јавниот обвинител, денеска, одржаа состанок...

Економија23 часа

Трговците со помалку од 10 вработени немаат обврска да ги објавуваат цените онлајн

Од четврток, 18 април, сите трговци (мали, средни или големи) ќе треба да ги објават цените на секој производ што...

Македонија24 часа

„Влен“ денес на средба ќе ја разгледа одлуката на Таравари да настапи на изборите со свои кандидати за советници

Во 14 часот денес ќе се состане коалицијата „Влен“ по што ќе се знае како ќе продолжат понатаму со Алијансата...

Македонија24 часа

Десет полицајци под истрага за несреќата во Кочани

Десет полицајци од Штип и од Кочани се под истрага за катастрофалниот пожар во дискотеката „Пулс“. Според Обвинителството, тие се...

Македонија1 ден

(Видео) Спречен обид за шверц на 6,4 килограми сребро, извести Царинската управа

На граничен премин Богородица мобилен тим спречи обид за криумчарење на 6,4 килограми сребро во вредност од 472 илјади денари....

Македонија1 ден

Одложено рочиштето за убиството на Вања

Рочиштето за убиството на Вања, на кое обвинетиот Љупчо Палевски-Палчо требаше да даде исказ, е одложено. Судењето е одложено поради...

Топ1 ден

Возел пијан и без возачка, па лажно се претставил како вработен во АНБ: уапсен 31-годишник од Крива Паланка

Доцна синоќа во 02.30 часот на булеварот „Србија“ во Скопје, полицијата го приведе 31-годишниот Б.Р. од Крива Паланка поради сомнение...

Македонија1 ден

Алијансата за Албанците не излегува од „Влен“, на изборите ќе оди со свои кандидати

Алијанса за Албанците останува во коалицијата „Влен“, но на локалните избори ќе излезе со сопствена листа на кандидати за советници....