Црна хроника
Кривична пријава за синот на познат бизнисмен и за синот на лидерот на СДСМ
Министерството за внатрешни работи поднесе кривична пријава против осум лица кои учествуваа во тепачката што се случи во неделата вечерта во дискотеката „Мистик“ во Штип.
Кривична пријава за насилство е поднесена против синот на газдата на фабриката „Брилијант“ и против 23-годишниот Љупчо Црвенковски, синот на лидерот на опозициската СДСМ, Бранко Црвенковски, кој е третопријавен, и уште пет други лица од Штип.
Според МВР, во неделата околу 3 часот по полноќ во дискотеката „Мистик“, синот на газдата на „Брилијант“ без причина го нападнал 22-годишниот штипјанец и го удирал со клоци и тупаници. Другар на нападнатото момче го повлекло за да го заштити, но останатите момчиња кои биле со напаѓачот почнале да фрлаат кон нападнатото момче и неговите тројца другари со стаклени предмети, чаши и шишиња.
Нападнатите штипјани се сокриле зад бетонскиот столб во дискотеката, додека по нив се фрлало со чаши и шишиња. Фрлањата запреле кога дел од стаклата на шишињата и чашите се одбиле од столбот и бил повреден еден од напаѓачите.
Нападнатите штипјани ја напуштиле дискотеката, а кај момчето бил констатиран оток на усната и расекотина на десната рака.
Прекршочна пријава ќе биде поднесена и против сопствениците на дискотеката, бидејќи не го пријавиле случајот во полицијата.
Суспендиран ќе биде и сменоводителот кој настанот го евидентирал во билтенот како тепачка, иако полицаецот кој го правел записникот го напишал како физички напад.
Дисциплинската одговорност е лоцирана и кај командирот бидејќи по дознавањето за направените пропусти во работењето на сменоводителот, требало да го изземе од случајот и против него да преземе мерки за одговорност.
„Наместо тоа, командирот повторно го задолжил да го расветлува настанот. Тројцата униформирани полициски службеници, иако биле на лице место, не ги презеле сите потребни службени дејствија и не изготвиле службен материјал. Со тоа постапиле спротивно на правилата и прописите во МВР и против истите на предлог на СВКПС ќе биде поведена постапка за утврдување на дисциплинска одговорност пред дисциплинската комисија“ соопштуваат од МВР./крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.