Свет
Кинески милијардер киднапиран во сопствената куќа, пет часа држен како заложник
Кинески милијардер и еден од најбогатите луѓе во Кина бил киднапиран во сопствената куќа. Неколку часа заедно со членови од неговото семејство поминале како заложници во драматичен обид за киднапирање. Неговиот син наводно побегнал и препливал река за да ја извести полицијата, пренесува Си-ен-ен.
Хе Ксиангџијан (77), кој се наоѓа на листата на најбогати на Форбс и се проценува дека има над 24 милијарди долари, во неговиот дом во градот Фошан бил киднапиран од петмина луѓе. Полицијата не објави премногу детали за киднапирањето и не ги именуваше жртвите. Но, од компанијата „Мидеа“, чиј сопственик е Ксиангџијан, по киднапирањето и` се заблагодарија на полицијата.
Бизнис-магазинот „Секјурити тајмс“ објави дека во првиот повик на полицијата се споменало дека напаѓачите со себе можеби имаат експлозив. Кинеската државна телевизија ЦГТН објави дека полицијата примила повик во неделата околу 17:30 часот. Им било кажано дека некој провалил во приватна куќа на милијардерот и дека во неа држи луѓе како заложници и им се заканува.
Исто така, јавено е дека синот на милијардерот успеал да побегне пливајќи во река, по што ја известил полицијата. Во полициската акција која следела по повикот, пет лица се уапсени, а никој не е повреден.
Компанијата „Мидеа“ е формирана во 1968 година и се занимава со производство на електрични уреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.