Македонија
МТСП: Најдобар интерес за секое дете е да расте во семејна средина
Почна онлајн обуката за јакнење на капацитетот на системот за социјална заштита за проценка, подготовка и континуиран развој и поддршка на згрижувачките семејства. Претставници на МТСП, Заводот за социјални дејности, центрите за социјална работа и други социјални установи и граѓански организации од земјава, со долгогодишно искуство на полето на згрижувањето, ќе стекнат нови сознанија и информации за современите европски практики поврзани со згрижувањето. Обуката е дел од техничката помош на УНИЦЕФ за унапредување на згрижувањето и ќе ја реализираат двајца експерти од Велика Британија. Финансиската поддршка ја обезбеди британската амбасада.
Обраќајќи се на почетокот на обуката, дополнителната заменик-министерка за труд и социјална политика, Санела Шкријељ, нагласи дека јакнењето на згрижувачите е инвестиција во иднината на децата без родителска грижа.
„Сакаме сите деца да имаат среќно детство и во иднина да придонесуваат за благосостојбата на нашето општество. Кон промените во згрижувањето пристапуваме внимателно и земајќи ги предвид најдобрите искуства на нашите пријатели од Европа. Кога на почетокот од мандатот во 2017 година најавивме дека до крајот на 2020 нема да има повеќе деца кои живеат во големи, сиви и безлични институции, многумина беа скептични. Тоа го постигнавме една година порано. Сигурна сум дека во следните години ќе го унапредиме квалитетот на згрижувањето кај нас и ќе обезбедиме квалитетна семејна средина за сите деца во нашата земја“, рече Шкријељ.
Обуката е дел од активностите кои во наредниот период треба да резултираат со ревидирање на стандардите за квалитет и на процедурите поврзани со згрижувањето.
„Децата најдобро растат и се развиваат во средина исполнета со љубов и нега, поддржани од возрасни кои се грижат за нив и нивните потреби. Ниту една институција, без оглед колку е опремена, не може да обезбеди средина што е потребна за децата да се развијат во рамки на својот целосен потенцијал. Ова е научно докажано и е во согласност со Конвенцијата за правата на детето и Упатствата на ООН за алтернативна грижа за децата. Зајакнувањето на системот за згрижување е дел од пошироката реформа за грижата за децата и ние мора да обезбедиме овој процес да продолжи. УНИЦЕФ останува посветен да работи со сите партнери во овој процес и ќе продолжи да го поддржува развојот на низа услуги во заедницата за децата и семејствата и, уште поважно, со ова ќе настојува да помогне во напорите за превенција од напуштање на децата и нивно одвојување од семејствата “.
Законот за социјалната заштита од 2019 година даде законска основа за воведување специјализирани згрижувачки семејства кои ќе бидат оспособени и поддржани да згрижуваат деца со комплексни потреби – новороденчиња, деца со попреченост или деца со предизвикувачко однесување. Истовремено, МТСП спроведува подготовки за воспоставување центри за поддршка на згрижувачките семејства во Скопје и во Битола, кои ќе бидат сместени во зградите на поранешните големи установи за сместување деца без родителска грижа. Оваа обука ќе им овозможи на учесниците да ги согледаат предностите и недостатоците на македонскиот модел на згрижување и во идните решенија да ги вградат најдобрите практики и модели од Европа“, рече претставничката на УНИЦЕФ во Северна Македонија, Патриција ди Џовани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите.
„Денеска ние работниците се собравме пред работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнуваме сите протести, сите штрајкови и денеска го започнуваме со големиот работнилки протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работинците, ние граѓаните, пензионерите сме тука за да покажеме дека колку повеќе не напаѓаат, не прават посилни и коку повеќе пробуваат да ги уништат синдикатите ние се повеќе сме силни“, изјави Трендафилов.
Пред зградата на Работничкиот дом, каде е сместено седиштето на ССМ во Скопје почна протестот на Сојузот на синдикати организиран по повод Меѓународниот ден на трудот.
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што Сојузот на синдикати ќе ги испорача на протестот организиран по повод Меѓународниот ден на трудот.
Македонија
Европски фронт: Ветингот, услов за нова Влада
Арта Билали Зендели, претставник на Европскиот фронт на прес- конференција истакна дека ветингот ќе биде услов за новата Влада.
Според неа, без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата.
„Денеска ви ја претставуваме една од заложбите на политичката програма „Европа 2030“ на Европскиот фронт, спроведување на процесот на проверка за сите носители на политички функции и носители на големи одговорности во областа на судството и борбата против криминалот и корупцијата. Без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Владеењето на правото, правдата и доброто владеење гарантираат еднаква лојалност и одговорност за секој граѓанин пред законот. Борбата против корупцијата и организираниот криминал ќе продолжи да биде бескомпромисна, со нулта толеранција, но овојпат засилена со точноста на системот за проверка во законодавната, извршната, судската, обвинителството и секоја друга функција во централно и локално ниво, за именувани или избрани лица“, вели Арта Билали Зендели.
Како што вели, ветингот ќе овозможи поголема транспарентност на богатството на кандидатите кои сакаат да преземат јавна одговорност и како се постигнува тоа богатство.
„Ова објективно следење ќе биде поттик за сите и можност за чесни човечки капацитети да излезат на површина за да им служат на потребите на луѓето. Ветингот за корупција е неопходна категорија која еднаш засекогаш ќе ја затвори вратата за поединци кои го ставаат личниот интерес над општото. Европскиот фронт за првпат инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Донесувањето на посебен закон за ветинг ќе биде најсилниот одговор против секоја тенденција за манипулација и злоупотреба на јавната положба“, завршува Арта Билали Зендели.
Македонија
СДСМ не ја прифаќа понудата на Максим Димитриевски
Граѓаните и гласачите на СДСМ веќе ја препознаваат измамата која им е сервирана од страна на ЗНАМ и непринципиелните коалиции. За разлика од субјектите како ЗНАМ, кои се човек-партија СДСМ е државничка партија со длабоки и силни корени, се вели во одговорот на социјалдемократите на вчерашната понуда на ЗНАМ.
Вчера Максим Димитриевски, претседателот на ЗНМ рече дека единствен услов за евентуална соработка со СДСМ е оставка на раководството на партијата во рок од 24 часа, а носителите и ко-носителите на кандидатските листи на нотар да изјават дека нема да прифатат пратенички мандати.