Црна хроника
Млада стружанка киднапирана, па вратена дома
Стружанецот С.А. (1973) во вторникот околу 21:40 часот пријавил дека истиот ден неговата ќерка А.А. била киднапирана, па вратена во нивниот дом.
Во моментот кога одела по скалите за горниот кат, била фатена од позади за косата и устата од страна на непознато лице и насилно била изнесена надвор од куќата, ставена во возило „Мерцедес Караван“, во кое имало уште 2 непознати лица кои зборувале на турски јазик.
Со возилото во непознат правец А.А. била возена околу 30 минути, при што од страна на лицето кое седело позади до нејзе на неколку пати со подесен остар предмет и биле нанесени гребнатини на телото преку облеката. Додека се враќале назад кон нејзиниот дом и биле упатени закани на албански јазик дека сега им бил редот на татко и’ и брат и’.
Кога се приближиле до нејзиниот дом, таа била оставена на улицата пред куќата.
Истата се изјаснила дека лицата не и се познати, и од кои причини се случило тоа.
ПС-Струга превзема мерки за пронаоѓање на сторителите и целосно расчистување на случајот. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен прилепчанец: ограбил манастир во Неготино
Вчера во 12:30 часот во Неготино, од страна на полициски службеници од ОВР Неготино од слобода е лишен 44-годишниот М.А. од Прилеп, по добиена пријава дека истиот ден околу 09 часот, со употреба на сила, одзел пари од манастирот „Св. Ѓорѓи“ во Неготино.
Веднаш по добиената пријава, преземени се соодветни мерки и активности и М.А. е лишен од слобода, а по документирање на случајот, ќе биде поднесена соодветна пријава.
Црна хроника
Уапсен скопјанец, запленети 300 теписони и стази без документација
Вчера полициски службеници од Мобилната единица за компезаторни мерки при Одделот за гранични работи и миграции на подрачје на СВР Охрид, поточно на место викано Подмоље го лишија од слобода А.Ј (52) од Скопје.
Имено, откако било сопрено товарно возило „форд транзит” со скопски регистарски ознаки, управувано од А.Ј., при преглед на возилото во товарниот дел пронајдени се 300 теписони и стази, без соодветна документација.
Лицето е лишено од слобода, а возилото и стоката се одземени.
По целосно документирање на случајот ќе биде поднесен соодветен поднесок.
фото: МВР
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.

