Спорт
Тогоанскиот напаѓач Кудагба починал од маларија на 25 години!
Напаѓачот Коси Кудагба починал на само 25 години од маларија во неговата татковина Того. Кудагба, кој играл за тимот АСЦ Кара, последните две сеони бил најдобар стрелец во националниот шампионат, а во 2019 ја освоил титулата.
Тој си заминал од тимот по суспензијата на лигата поради корона вирусот за да живее со роднините во предградието на главниот град Ломе, каде што се разболел и подоцна починал.
„Во овие тешки моменти, извршниот комитет на Тогоанската фудбалска федерација (ФТФ) изразува сочувство на семејството на починатиот“, се вели во соопштението на националната федерација.
Кудагба бил пред трансфер во тунискиот УС Татауин минатата година, но паднал на медицинскиот тест поради проблеми со срцето. Тој имал три настапи за националниот тим на Того.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фудбалска Европа го крева гласот против ФИФА
Ненаситната потреба за стекнување финансиско богатство, под формулата „промоција на фудбалот“, ги турка луѓето задолжени за водење на овој спорт во планетарни рамки премногу често да започнуваат нови или да ги прошируваат постоечките натпреварувања. Кога ги планираат новите натпреварувања никој не се консултира со фудбалерите.
Фудбалска Европа го крева својот глас, на 14.октомври ќе биде поднесена официјална жалба против натпреварувачкиот календар на Меѓународната фудбалска федерација (ФИФА).
Целта на заедничката иницијатива на неколку европски фудбалски организации и лиги, асоцијации и сојузи на професионални играчи… е да се предупреди претседателот на ФИФА, Џани Инфантино за штетното влијание на зголемениот број на натпревари врз здравјето на фудбалерите.
„Притисокот врз ФИФА е тука и се чини дека се преземаат само првите чекори. Светското клупско првенство замислено од Инфантино, плус пресудата за случајот Ласана Диара која го става во ризик трансфер системот на ФИФА, конечно предизвикаа конфликт околу тоа како и на кој се управува со светскиот фудбал…“, стои во дел од објаснувањето на широк блок противници на печат на обврските на модерните робови во копачки.
И шпанска „Марка“ и медиумите низ Европа јавуваат дека во оваа прилика ќе се одржи конференција на работна тема „Заштита на здравјето на играчите и зачувување на одржливоста на националните лиги во Европа од навредливото однесување на ФИФА“.
Дека работата е сериозна покажува дека зад споменатата жалба стојат Ла Лига, Меѓународниот сојуз на професионални фудбалери (FIFPro), асоцијацијата на европски лиги, Премиер лигата… Дека се решени да истраат во своето барање покажува фактот дека истата жалба ќе биде поднесена и Европската комисија.
Premier League amongst group to lodge complaint against FIFA over fixture congestion, with the schedule having gone 'beyond saturation' https://t.co/tMf6ZhLz00
— Mail Sport (@MailSport) October 13, 2024
Спорт
„На Англија и треба светски познат стручњак“
Привремениот селектор на Англија, Ли Карсли, смета дека на клупата на националниот тим не треба да седи просечен тренер, туку некој од најдобрите стручњаци на денешницата.
Човекот кој се согласи да биде привремено решение по заминувањето на Герет Саутгејт додека шефовите на ФА не го најдат вистинското решение, го кажа ова откако неговиот тим ја победи Финска во четвртото коло од Лигата на нации.
„Задоволство е да се работи ова, уживам. Сепак, Англија на клупата треба да има звучно светско име, некој кој во кариерата освојувал трофеи, јас допрва треба тоа да го остварам“, изјави Карсли во Хелсинки.
Под водство на Карсли, Англија на четири одиграни натпревари оствари три победи во Лигата на нации, а на „Вембли“ претрпе изненадувачки пораз од Грција.
"This job deserves a World class coach who's won trophies…and I'm still on the path to doing that"
Has Lee Carsley effectively ruled himself out of the England running? ❌#ITVFootball | @gabrielclarke05 pic.twitter.com/QQz1JHzGNo
— ITV Football (@itvfootball) October 13, 2024
Спорт
Бизарна сцена во Црна Гора – Губеа со 19:0, па сите колабираа
Неверојатна ситуација се случи на терените во Црна Гора каде се сретнаа екипите на Његош и Зета. Натпреварот беше прекинат во 70. минута при резултат 19:0.
Натпреварот не продолжи поради тоа што сите играчи на Његош паднаа на теренот, поради што судијата означи крај.
За Његош ова не е првпат да загуби со вака голем резултат бидејќи беа поразени од Забјел со 10:0, потоа од Олимпик со 6:2 и Црвена стијена со 15:0.
Поради прекинот на натпреварот, останува отворено прашање дали воопшто ќе биде регистриран со 19:0 или Зета ќе слави со службен резултат 3:0…