Европа
За Путин примирјето зависи од Украина, Порошенко ќе изработи план
Рускиот претседател Владимир Путин изјави дека тој и украинскиот претседател Петро Порошенко на двочасовната средба зад затворени врати доцна ноќта кон средата во белоруската престолнина Минск разговарале за тоа дека крвопролевањето во источна Украина мора итно да биде прекинато и додаде Киев условите за прекин на огнот мора да ги договори со бунтовници кои во меѓувреме изјавија дека веќе не се заинтересирани за федерализација на земјата, а Порошенко вето дека ќе работи на итно создавање план за прекин на судирите.
Рускиот и украинскиот претседател разговараа очи в очи по шестчасовните пошироки преговори со високите функционери на Европската унија, како и со челниците на Белорусија и Казахстан кои заедно со Русија ја сочинуваат Царинската унија.
Рускиот претседател Владимир Путин првите директни преговори со украинскиот колега Пртро Порошенко (првата неформална десетминутна средба се случи на 6-ти јуни по повод одбележувањето на 70-годишнината од сојузничкото истоварување на Нормандија, Франција), ги опиша како позитивни. „Разговаравме за тоа дека е нужно што побрзо да се прекине крвопролевањето, за потребата да се тргне кон изнаоѓање политичко решение на сите проблеми. Русија од своја страна ќе стори сé за да го поддржи тој мировен процес, доколку тој биде покренат“, изјави Путин.
Меѓутоа, рускиот челник истакна и дека Киев мора да ги договори условите за прекин на огнот со проруските бунтовници во двата источни региона, Луганск и Донецк, каде што тие прогласија непризнаени ткн народни републики кои во вторникот изјавија дека повеќе не се заинтересирани за федерализација на Украина, за што во почетокот на бунтот во март се залагаа. Путин прецизираше дека Русија нема да се меша во изработката и поединостите на тој план. „Ние единствено можеме да придонесеме во создавањето ситуација на доверба во којашто ќе се одвива можниот, си посред моето мислење неопходен, преговарачки процес“, рече Путин.
Порошенко, кој веднаш по преговорите замина од Палатата на независноста во Минск, каде што се одвиваше средбата, веднаш замина без да дава изјави за новинарите во украинската амбасада каде подоцна одржа брифинг со украинските медиуми, го оцени разговорите со Путин како „многу тешки и сложени“. „Ќе биде подготвен план за што побрзо да се договори режимот на воспоставување примирје коешто секако мора да биде билатерално“, рече Порошенко за новинарите.
И покрај позитивниот тон, не е познато како бунтовниците ќе реагираат на идејата за прекин на огнот бидејќи тие инсистираат на целосно повлекување на украинската армија од териториите на самопрогласените републики, колку брзо примирјето може да биде воспоставено и колку ќе биде одржливо. Во вторникот челникот на ткн Донецка народна република, Алескандр Захарченко, кој инаку е етнички Украинец говорејќи дека самопрогласените власти во Донецк „повеќе не се заинтересирани за федерализација на Украина“ истакна и дека „Нема, во крајна линија, преговори што ќе започнат и на нив да е можно да биде постигнато какво и да е примирје, тоа ќе биде кревко и нереално“.
Имајќи предвид дека Москва е истрајна на тоа дека поединостите од примирјето се внатрешни работи на Украина, не можат да се забележат сигнали дека е постигнат напредок во смисла на основните точки во кои Украина и Русија не се согласуваат, имено обвинувањата за дека на украинска територија Москва испраќа борци и оружје со што ги помага бунтовниците во раускојазичните региони, што руската страна упорно го негира./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Сојузникот на Фицо ја спореди Украина со Хамас: „Ова е ист вид провоциран конфликт“
Тибор Гаспар, заменик-претседател на словачкиот парламент и пратеник од владејачката партија Смер, ја спореди Украина со милитантната група Хамас.
„Роберт Фицо постојано зборуваше за тоа како ги перцепира дејствијата на Русија. Тој верува дека почетокот на војната е кршење на меѓународното право, но… ова е провоцирана агресија“, рече Гаспар.
Пратеникот отиде подалеку, изедначувајќи ја Украина со Хамас и неговиот напад врз Израел на 7 октомври 2023 година. „Ова е ист вид провоциран конфликт како кога терористите од Палестина го нападнаа Израел. Војната се разви на потполно ист начин“, тврдеше тој.
„Киев Индепендент“ пишува дека оваа споредба „ја искривува реалноста со тоа што ја изедначува Украина, суверена држава која се брани од руска инвазија, со Хамас, милитантна група прогласена за терористичка од неколку земји, која масакрирала цивили и земала заложници“.
Откако се врати на власт во 2023 година, Фицо и неговата партија Смер ја прекинаа воената помош за Украина и ги оспорија европските санкции кон Русија. Дополнително, Фицо објави дека ќе го блокира пристапот на Украина во НАТО.
За време на состанокот со Фицо во Пекинг минатата недела, рускиот претседател Владимир Путин го пофали ставот на Братислава како „независна надворешна политика“ која дава „позитивни резултати“. Словачка, заедно со Унгарија под премиерот Виктор Орбан, се соочува со растечки критики од европските сојузници за продлабочување на врските со Москва.
фото: принтскрин
Европа
Сè е подготвено за воената вежба „Запад 2025“; Европа ја очекуваат неколку нервозни денови
Соседите на Русија се подготвуваат за неколку нервозни денови, бидејќи Русија и Белорусија ја одржуваат воената вежба „Запад 2025“, прва по руската инвазија на Украина во февруари 2022 година. Вежбите, што ќе се одржат од 12 до 16 септември, ќе вклучуваат неколку маневри во близина на Полска и Литванија, бидејќи Кремљ вежба за можен судир со силите на НАТО.
„Мораме сериозно да ги сфатиме вежбите во близина на границите на НАТО и ЕУ. И соседните земји и самото НАТО се однесуваат кон нив со најголема сериозност. Литванија и нашите сојузници се подготвени, обединети и внимателно ќе го следат развојот на настаните, подготвени да одговорат доколку е потребно“, рече заменик-министерот за одбрана на Литванија, Томас Годљаускас.
Членките на НАТО организираат свои вежби
Како одговор на воената вежба „Запад 2025“, земјите од НАТО што се граничат со Русија одржуваат свои воени вежби. Во вежбата „Tarassis 25“ учествуваат 10 северноевропски земји од НАТО, додека Литванија ќе одржи своја национална одбранбена вежба „Thunder Strike“.
Полска оваа недела ја одржува својата вежба „Iron Defender-25“, во која учествуваат 30.000 војници. „Полска соодветно ќе одговори на вежбите „Запад 2025“, изјави заменик-министерот за одбрана Чезари Томчик за полската телевизија RMF.
Русија ги одржува вежбите „Запад“ на секои четири години од 1999 година, а загриженоста за нив стана традиција. Иако формално дефанзивна, вежбата од 2009 година симулираше нуклеарен напад врз Варшава, а вежбата од 2021 година доведе до масовно зголемување на силите во Белорусија кои беа искористени месеци подоцна за напад врз Украина, објавува Политико.
„Поради растечката загриженост дека Русија би можела да нападне членка на НАТО, веројатно во Балтикот, НАТО многу внимателно следи дали воената вежба му дава на Западот некаква индикација за идна руска офанзива“, забележа Томас Јанелиунас, професор на Институтот за меѓународни односи и политички науки на Универзитетот во Вилнус.
Белорусија покани набљудувачи од НАТО и ОБСЕ
Западните набљудувачи ќе ги користат вежбите за да ја проценат подготвеноста на руската војска три години откако таа ја нападна Украина. „НАТО многу внимателно ги следи руските воени активности. Не гледаме никаква непосредна воена закана против кој било сојузник на НАТО. Сепак, остануваме будни“, соопшти воениот сојуз.
Организаторите на „Запад“, тврдат дека нивните вежби нема да надминат 13.000 луѓе, а Белорусија соопшти дека поканила набљудувачи од земјите на НАТО, како и од Организацијата за безбедност и соработка во Европа (ОБСЕ).
„Русија, исто така, спроведува три одделни вежби со земјите од Организацијата на договорот за колективна безбедност, прикривајќи ја вистинската големина на вежбите. Се очекува сценаријата на овие вежби да укажуваат на видот на војување за кое Русија се подготвува против Западот“, објави Германскиот совет за надворешни односи.
Помалку војници отколку пред четири години
Вежбата „Запад“ ќе ги опфати руските воени области Москва и Ленинград, енклавата Калининград, арктичкиот регион, Балтичкото и Баренцовото Море и Белорусија.
Некои вежби, во близина на белоруското село Гожа и во Доброволск во Калининград, ќе се одржат само неколку десетици километри од Полска и Литванија. Војници ќе бидат распоредени и од двете страни на превојот Сували, коридор од 70 километри помеѓу Белорусија и Калининград, кој се смета за еден од најранливите одбранбени тесни грла во Европа.
Литванското воено разузнавање очекува до 30.000 војници да учествуваат во вежбата „Запад“, многу помалку отколку во 2021 година, кога учествуваа околу 200.000 војници. „Ова е далеку од она што би му било потребно на Русија за да нападне членка на НАТО, особено затоа што војната во Украина сè уште трае“, тврди Јанелиунас.
фото: принтскрин
Европа
(Видео) Украинци: Ослободивме уште едно село во регионот Донецк
Украинските сили го ослободија селото Зарично во Донецката област и таму го кренаа националното знаме, соопшти Генералштабот на вооружените сили на Украина.
Силами 425 окремого штурмового полку "Скеля" повністю взято під контроль село Зарічне на Донеччині.
Слава Україні! pic.twitter.com/j1c1OIr24L
— Генеральний штаб ЗСУ (@GeneralStaffUA) September 8, 2025
Зарично се наоѓа во источна Украина, во близина на административната граница со Луганската област. Стратешката важност на селото произлегува од неговата локација во близина на клучните транспортни патишта што ги поврзуваат Славјанск и Лиман. Според украинската група за следење на бојното поле, ДипСтејт, поголемиот дел од селото е под украинска контрола, а руските сили се потиснати назад.
Генералштабот објави дека операцијата ја извршиле војници од 425-от ударен полк Скала. Претходно овој месец, истата единица објави дека ги исчистила Новоекономична и Удачна, две села западно од Покровск.
фото: принтскрин
Шест активни пожари во државата, еден е под контрола
Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...
(Видео) Мицкоски: Независноста не е само обичен потпис на хартија-таа е жртва, таа е борба, таа е љубов кон оваа света македонска земја
Премиерот Христијан Мицкоски се обрати на Свечената академија по повод 8 Септември – Денот на независноста на Македонија. „8 Септември...
(Фото) Започна увидот во опожарената фабрика во Виница
Јавен обвинител од Основното јавно обвинителство Кочани го започна увидот по настанатиот пожар во фабриката „Макпрогрес-Винчини“ во Виница. Увидните дејствија...
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
