Спорт
Винс Картер тивко отиде во легендите, ги „закачи патиките“
Секоја бајка има крај, па и онаа поврзана со кошаркарската кариера на Винс Картер, попознат како „Ер Канада“.
Картер официјално објави крај на играчката кариера. Еден од најатрактивните играчи во НБА одлучи да ги „закачи патиките“.
„Готово е, официјално завршив со професионалното играње кошарка“ – изјави Картер.
Тој последниот меч во кариерата го одигра на 11 март против Њујорк Никс. Постигна тројка на 13 секунди пред крајот на продолжението.
Сепак, тоа не беше добро простување, не онакво какво што Картер заслужи.
Уште додека траеше тпј меч, стугна соопштението дека НБА сезоната се запира. Јасно беше дека сезоната ќе продолжи само со тимовите кои изборија место во плеј-офот, а Аталанта не беше меѓу тие 22 тима.
Винс Картер во НБА е од 1998 година. Во 22-годишната кариера во најсилната лига ќе остане запаметен по атрактивните забивања.
Беше учесник на осум Ол-стар меча, а го собори рекордот по бројот на одиграни НБА сезони – вкупно 22. Една помалку од него имаат Кевин Гарнет, Дирк Новицки, Роберт Периш и Кевин Вилијамс.
Картер одигра 1.541 меч, а кариерата ја заврши со 16.7 поени, 4.3 скока и 3.1 асистенција по меч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Струга Трим Лум спогодбено се раздели со тренерот Дуро
Извор/ facebook.com/Fcstruga
Актуелниот македонски шампион, Струга Трим Лум, на три кола до крајот на сезоната се раздели со тренерот Шпетим Дуро.
Стружани, во изминатиот период играа во променлива форма, а вчера во 30.коло доживеаја пораз од Тиквеш во Кавадарци (3:2). Овој пораз му пресуди на Дуро, кој со клубот договорил спогодбен раскин на соработката.
„ФК Струга му се заблагодарува на Дуро за придонесот во периодот додека го водеше нашиот тим во домашното првенство и европските натпреварувања, му посакуваме и многу успеси“, стои меѓудругото во клупското соопштение објавено на „Фејсбук“.
Во последните три кола Струга, Шкупи и Шкендија влегуваат со по 58 бода.
Спорт
(Видео) ФК Шкупи: Секоја недела некој ни ги краде бодовите
Извор / facebook.com/fcshkupi1927
Шкупи, вечера во 30.коло доживеа пораз во Гостивар (2:0). Клубот изрази незадоволство од судењето, со тврдење дека неколку пати сезонава клубот бил жртва на судиските грешки. Во Шкупи се сигурни дека вчера против Гостивар им бил поништен регуларен гол при резултат 1:0.
Шкупи и покрај поразот се уште е во трка за шампионската титула. Шкендија, Струга и Шкупи во финишот на сезоната влегуваат израмнети со по 58 бода. Во наредното коло, Шкупи ќе го пречека директниот конкурент, Шкендија.
„Како може да се направат толку многу грешки против една екипа?
Секоја недела доживуваме различни грешки од судиите. Секоја недела некој излегува и ни ги краде бодовите.
Ова не е случајно. Тоа се планирани и програмирани акции насочени кон саботирање на нашиот успех. Инаку, како може да се направат толку многу грешки против една екипа?
Секоја недела се соочуваме со различни и валкани трикови и се обидуваме сами да се бориме. За жал, видовме дека Шкупи е осамен тим и ова им дава можност на сите.
Тие што се појавуваат во близина на Шкупи всушност стојат пред Шкупи. Дали тимот може да губи бодови на секој натпревар поради судиски грешки или надворешни фактори? За жал, ова се случува во нашите натпревари.
Ниту политичарите кои тврдат дека се скопјани, ниту оние кои раководат со фудбалот не покажуваат никаква реакција на оваа ситуација, на овие отворени, свесни и намерни валкани напади и постапки, додека ние чекориме сами по овој пат.
Овој театар, оваа валкана игра е многу досадна. И да сме сами, оваа борба ќе ја водиме до крај, не е важно против кого е. Ќе се бориме за работата на нашите фудбалери, за нашата работа, за фудбалот, за амблемот Шкупи, за екипата на Шкупи. Сега се е јасно, јасно е што сите сакаат да прават.
Сега знаеме се, свесни сме за се и имаме се во нашиот тефтер“, објави клубот од Чаир на својот профил на сицијалната мрежа „Фејсбук“.
Спорт
Себаљос го напушта Реал, се договорил со Атлетико
Дани Себаљос по завршувањето на сезоната ќе го напушти Реал Мадрид. Шпанските медиуми тврдат дека тој карирата ќе ја продолжи во Атлетико, градскиот ривал на Реал.
Себаљос, во Реал пристигна во 2017 година, како МВП на Европското првенство за фудбалери до 21 година. Но, во конкуренцијата каква што владее во Реал, во редт за врска, не успеа да се избори за место во тимот.
Реал го испраќање на позајмици, најпродуктивен беше во Арсенал, но „тобџиите“ сепак не го откупија неговиот договор.
Оваа сезона, тренерот Карло Анчелоти воопшто не смета на него. Минатиот петок го започна натпреварот против Реал Сосиедад, откако претходно во целата сезона одигра само пет минути во првенството.
Незадоволен од статусот и по разговорот со Анчелоти, добил дозовола да го напушти клубот.
Шпанските медиуми тврдат дека тој веќе се договорил со Атлетико. Сега челниците на „јорганџиите“ ќе треба да се договорат со реал околу обесштетувањето. Се шпекулира дека сумата би требала да биде помеѓу 8 и 10.000.000 евра.
Низ историјата ретки се трансферите на реалција Реал-Атлетико и обратно. Последен таков трансфер се случи во 2019 година, кога Маркос Љоренте за 30.000.000 милиони евра од Реал се пресели во Атлетико.