Спорт
Челси го симна Сити и го качи Ливерпул на тронот во Премиерлигата (видео)
Крајно драматичен меч одиграа вечерва Челси и Манчестер Сити за затворање на 31-то коло во Премиерлигата.
„Сините“ во Лондон со 2-1 го совладаа актуелниот шампион во Премиерлигата и на тој начин, на 7 кола до крајот го крунисаа Ливерпул како шампион на сезоната 2019/2020.
Челси дојде во водство во првото полувреме, во 36 минута. По една катастрофална грешка на „граѓаните“, Пулишиќ претрча 60 метри и успеа да го матира голманот Едерсон.
Во вториот дел, Манчестер Сити заигра многу подобро, за разлика од првиот дел. Изедначување 1-1 носи Кевин де Брујне со одличен погодок од слободен удар во 55 минута.
„Граѓаните“ имаа уште неколку пригоди резултатот да го свртат во своја корист, но безуспешно.
Сепак, Челси е тимот кој ги имаше шансите на мечот, од 60-та, до 77-ма минута.
По едно лошо исфрлување на Едерсон, Маунт во 62 минута имаше круцијална шанса за водство, биеше покрај голот.
Одлична можност за 2-1 имаше и Пулишиќ, во 71 минута. Го помина и голманот, пласираше во празната мрежа, но Вокер ја извади топката на само неколку милиметри од гол линијата.
Сепак, немаше одбрана во 77 минута.
Абрахам се најде на неколку метри пред голот, шутираше, а Фернандињо играше со рака на гол линијата. По консултација со ВАР, судијата покажа на белата точка, а натпреварот за Фернандињо заврши. Сигурен реализатор за 2-1 беше Вилијан.
Навивачите на Ливерпул покрај малите екрани започнаа да ја слават новата титула на „црвените“, прва по цели 30 години, на 7 кола пред крајот затоа што нивните миленици имаат предност од 23 бода на табелата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.