Црна хроника
Прекршочни пријави за 13 лица за фудбалскиот инцидент

Поднесени се прекршочни пријави против 13 лица, кои на вчерашниот првенствен натпревар помеѓу ФК Вардар и ФК Пелистер, во четири случаи го нарушиле јавниот ред и мир, а во еден случај недолично се однесувале на спортски натпревар.
Од вкупно пријавените лица, шест се од Скопје, пет од Битола, а еден од Македонски Брод, соопшти МВР.
Во недела, околу 18 часот, кај мостот „Гоце Делчев“ во Скопје, непосредно пред почетокот на фудбалскиот натпревар помеѓу екипите на Вардар и Пелистер, навивачките групи на двете екипи фрлале камења едни кон други, при што неколку лица биле повредени, а оштетени се патнички возила и прозорски стакла од куќи и станови.
Исто така, за време на одигрување на натпреварот биле повредени еден полициски службеник и двајца навивачи на Пелистер, кои се пренесени во Градската болница во Скопје за укажување лекарска помош.
При спроведување на навивачката група `Чкембари` до железничката станица Скопје, непознати лица каменувале службено возило на МВР, а оштетиле и три службени возила сопственост на Македонски железници, четири возила на граѓани, шалтерската сала на Македонски пошти, излезната рампа на Градската автобуска станица, како и прозорски стакла од Царинската управа и едно возило на управата.
Во 22.15 часот на излез од железничката станица Скопје кон железничката станица Лисиче, од страна на непознати лица исто така извршено е каменување на вонредниот воз, што сообраќал на релација Скопје-Битола, а во кој се превезувала навивачката група Чкембари, при што скршени се повеќе стакла од вагоните, а телесно е повреден патникот М.Р. (18) од Битола, кому му е нанесена расекотина во пределот на главата./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
За една ноќ приведени тројца возачи поради возење во алкохолизирана состојба

Тројца возачи биле приведени за една ноќ поради возење во алкохолизирана состојба, соопшти МВР.
Во Кичево, на улица Борис Кидрич, полицијата запрела „бмв“ управувано од 26-годишен жител на село Зајас, кој имал 2,08 промили алкохол во крвта.
Неколку часа подоцна, во Куманово, полициски службеници го задржале 34-годишен возач на „смарт“ со 3,43 промили.
Во Битола пак, на улица Македонска фаланга, бил приведен 41-годишен жител на Средно Егри со 1,68 промили, откако бил запрен во „мерцедес“ со битолски регистарски таблиички.
„По целосно документирање на случаите, против тројцата возачи ќе бидат поднесени соодветни пријави по член 297-а од Кривичниот законик – безобѕирно управување со моторно возило“, соопшти Министерството за внатрешни работи.
Црна хроника
На „Ќафасан“ приведено лице со мерка за издржување затворска казна

На граничниот премин „Ќафасан“ на македонско-албанската граница при обид за излез од државата, полицијата привела лице за кое имало изречена мерка за апсење од Основниот суд во Гостивар поради сторени кривични дела против безбедноста на луѓето и имотот во сообраќајот, соопшти денеска СВР Охрид.
Според информацијата, вчера во 14 часот на граничниот премин „Ќафасан“, на македонско-албанската граница, при обид за излез од земјата, лишен од слобода е З.Б.(62) од Гостивар.
– По извршени контроли, полициските службеници констатирале дека тој евидира со активна мерка „апси“ и дека има активна наредба од Основниот суд во Гостивар поради сторени кривични дела „тешки дела против безбедноста на луѓето и имотот во сообраќајот“ по член 300 и „безобѕирно управување со моторно возило“, по член 297 од Кривичниот законик, изјави портпаролот Стефан Димоски.
Лицето, додаде, е спроведено во казнено поправната установа „Затвор Гостивар“.
Црна хроника
Кавадарчани приведени за непочитување наредби од полицајци на фудбалски натпревар

Кавадарчани биле приведени за непочитување наредби од полицајци на фудбалски натпревар, соопштија денеска од Секторот за внатрешни работи – Велес.
-Вчерa во 18.10 часот и во 18.15 часот, на Градскиот стадион во Кавадарци, полициски службеници од СВР – Велес ги привеле И.П.(34) и Д.И.(28), двајцата од Кавадарци, затоа што за време на одигрување на фудбалски натпревар помеѓу екипите на ГФК Тиквеш од Кавадарци и ФК Вардар од Скопје, не ги почитувале наредбите дадени од полициски службеници, се наведува во соопштението.
По документирање на настанот, како што велат од СВР Велес, против нив ќе бидат поднесени соодветни пријави.