Спорт
Сетиен: Нема да му се извинам на Гризман
Со нерешениот резултат против Атлетико Мадрид (2:2) Барселона може да се прости со одбрана на титулата во Примера. Според шпанските медиуми прашање на денот е кога Кике Сетиен ќе добие отказ на функцијата.
Големите ѕвезди на Барса се незадоволни од начинот на кој Сетиен ја води екипата. Се чини најмногу причини за незадоволство има Антоан Гризман кој синоќа против Атлетико влезе во игра во 90 минута.
Напаѓачот за кого Барселона плати 120 милиони евра кај Сетиен е резерва.
„Не може секој да игра“, рекол Сетиен на прашањето зошто Гризман одиграл замо четири минути против својот поранешен клуб.
„Можеби не е логично да влезе во игра во 90 минута, но со таков играч секогаш мислите дека можете да направите нешто. Не е лесно…Не се согласувам со оние кои вечат дека немам доверба во Гризман. Тој е важен играч и само околностите ме натераа да го седнам на клупата. Онои кои добија шанса од првата минута одлично си ја завршија работата. Знам дека на Гризман му е тешко, ќе разговарам со него на следниот тренинг, но нема да му се извинам. Јасно ми е дека може да се чувствува лошо, но и јас се чувствувавм лошо бидејќи Антоан е одличен играч и одлична личност“, рекол Сетиен.
Гризман во Примера има одиграно 28 натпревари за Барселона на кои постигнал осум гола.
„Мечот на пеналите“ заврши 2-2, Барса е чекор назад од титулата (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Туван го лансираше Удинезе на челната позиција во Серија А
Фудбалерите на Удинезе со пресврт победија во Парма со резултат 3:2 (0:2) и по четвртото коло се искачија на челната позција на табелата во Серија А.
Парма на полувреме имаше предност од два гола, но победата ја однесоа гостите од Удине.
Дел Прато во втората минута им донесе предност на домашните, додека Бони ја удвои во 43. минута. Во двете ситуации, словенечкиот стопер Јака Бијол реагираше многу слабо.
А потоа во паузата на „Енио Тардини“ се се смени и „зебрите“ одиграа сосема поинаку отколку во првите 45 минути.
Најпрвин Лука веќе во 49. минута ја намали негативата на гостинскиот тим, а потоа на сцена стапи Флоран Туван.
Французинот најпрвин го израмни резултатот во 68. минута, а во 77. погоди за 3:2.
Парма во 73.минута остана со играч помалку, поради два жолти каротни Кеита беше исклучен.
Удинесе со три победи и еден нерешен резултат ја предводи Серија А со 10 поени, еден повеќе од Наполи и два повеќе од Интер, Јувентус и Торино.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.