Скопје
Скопските средношколци се дружеа и натпреваруваа на манифестацијата „Средношколски игри 2014“
Под слоганот „Заедно во природа“ во сабота во Градскиот парк се одржа манифестацијата „Средношколски игри 2014“, во организација на ЗГ СФЕРА Скопје и со поддршка на Град Скопје.
Проектот што вклучи различни активности (крос, натпревари во знаење, уметнички вештини- цртање и фотографирање, ориентација, еколошки-зелени игри, забава…) има за цел да ги поттикне средношколците да развијат свесност за потребата и неопходноста од нивен редовен престој во природа со цел подобрување и унапредување на нивното психофизичко здравје.
На еднодневните игри учествуваа 300 активни учесници (ученици – натпреварувачи, наставници, директори, комисии, претставници на државни институции и компании), но и останати ученици, родители, гости, посетители на Градскиот парк. Од настанот учениците испратија порака за поттикнување на здрав живот и почесто движење во природни средини, толеранција и заедништво меѓу младите како иднина на општеството, и ширење позитивни искуства и мисли со своите врсници.
„Организирање на настан во природа за скопските средношколци е вистински потег за излегување на младите од затворените простории и уживање во благодетите на природата. Иако нивната животна средина доминатно се врзува со затворен простор, овој проект ќе претставува нивна анимација своето слободно време почесто да го поминуваат во чиста животна средина, со активности кои благопријатно ќе делуваат на нивниот стресен и напорен живот (учење, долго седење на комјутер, посета на кафулиња)“, изјави Наташа Илиевска-Таневски, претседател на ЗГ СФЕРА Скопје. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.
Скопје
Дел од Карпош без струја
ЕВН Македонија АД и Регионалниот центар за управување со кризи-Град Скопје, ги известува граѓаните дека, поради планирани технички зафати во електро дистрибутивната мрежа, без електрична енергија ќе останат:
· Во период од 09:00 – 12:00ч дел од корисниците во с. Бардовци ( о.Карпош);
· Од 09:30-14:00ч корисниците од ул.Дрезденска (о.Карпош).
Скопје
Муцунски: Аеродром го заслужува најдоброто, започнува реализацијата на голем капитален проект
Градоначалникот на Општина Аеродром, заедно со претседателот на советот, Дејан Митески и директорката на основното училиште „Блаже Конески“ утрово на работен состанок ја утврдија динамиката по која до крајот на оваа школска година треба да започне реконструкцијата и доградбата на основното училиште „Блаже Конески“.
„Станува збор за важен инфраструктурен проект, онаков каков што заслужуваат граѓаните на Аеродром. По неговото финализирање, Аеродром ќе добие модерно и современо училиште, направено согласно сите европски стандарди, училиште кое ќе биде пример за квалитетна градба, одржливост и енергетска ефикасност“, истакна градоначалникот Муцунски во својата објавата на Фејсбук.
Тој додаде дека најважно од се е што реконструкцијата и доградбата нема да го наруши нормалното функционирање на училишните активности, а нивната организација ќе биде направена во консултација и согласно барањата на родителите, со кои утрово Муцунски одржа состанок.