Македонија
Јанушев од Чашка: 160 милиони евра за земјоделците и навремени субвенции

Носителот на пратеничката листа на ВМРО-ДМНЕ во изборната единица 3, Игор Јанушев, од Чашка наброи многу проекти од програмата, како што се 20 % зголемување на пензиите, покачување на платите за 25%, намалувањето на невработеноста под 10%, 160 милиони евра секоја година за земјоделците и навремени субвенции.
Тој во својот говор се осврна на програмата и посочи дека таа е внимателно направена, со 20 % зголемување на пензиите за секој пензионер, покачување на платите за 25% во просек, подобрување на условите кои живееме, намалувањето на невработеноста под 10%, здравство кое ќе биде на ниво со грижа за сите граѓани, 160 милиони евра секоја година за земјоделците и добивање субвенции навремено, се само дел од проектите кои ги наброи Јанушев во Чашка
„На 360 страници имаме илјада проекти за подобрување и проекти за секој еден од вас, да нема еден од вас од општина Чашка кој ќе биде незадоволен од тоа што ќе го правиме, а ќе правиме многу“, вели Јанушев.
Јанушев вели дека нема да биде лесно, напротив ќе биде многу тешко и ќе треба макотрпна работа, но ВМРО-ДПМНЕ е спремно на тоа.
„ВМРО-ДПМНЕ кога ветува и исполнува, она што е значајно за овој регион е автопатското поврзување од Скопје до јужната граница, кое ги поврзува Скопје, Велес, Прилеп, Битола до граница, овие десетина години нема кој не го најавил, но јас тука давам збор дека ние тоа ќе го реализираме“, рече Јанушев.
Јанушев исто така говореше и за криминалот на власт и порача дека ако изборот е помеѓу Заев и Македонија, нема човек во државата што нема да ја одбере Македонија и ги повика сите граѓани, без разлика на нивните ставови, зашт,о како што вели, ВМРО-ДПМНЕ подава рака на сите на 15 јули.
„Ред е да сфатиме дека оваа наша генерација ќе ја промени насоката по која ќе се движи Македонија, ред е да имаме пристоен и достоинствен живот“, рече Јанушев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почувствуван земјотрес во Македонија

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, попладнево во 16 часот и 14 минути регистрираше земјотрес чиј епицентар потекнува од епицентралното подрачје Тетово-Гостивар, 39 км западно од Скопје, со Рихтерова локална магнитуда, ML2.7.
Според досегашните податоци со кои располага опсерваторијата, земјотресот е почувствуван во Тетово, Гостивар и блиската околина со интензитет од III степени според Европската макросеизмичка скала.
Македонија
МНР: Амбасадата во Прага е во координација со семејството на Чифлиганец за пренeсување на телото во Македонија

Министерството за надворешни работи и надворешна трговија информира дека на 2 август 2025 година, до македонската амбасада во Прага била доставена информација за тешка сообраќајна несреќа во која бил повреден македонскиот државјанин Душко Чифлиганец. Тој управувал мотор кога дошло до незгодата, по што со тешки повреди бил пренесен во болница.
На 3 август, семејството го известило дипломатско-конзуларното претставништво дека Чифлиганец им подлегнал на повредите.
Како што соопштија од МНР, Амбасадата во Прага е во континуирана комуникација со семејството со цел завршување на сите неопходни формалности и организација за пренос на телото во Македонија.
Македонија
Изгаснат пожарот кај Липково, гори на две локации

До 12 часот активни се два пожари на отворен простор, еден пожар е под контрола, а еден е изгаснат.
Активните пожари се наоѓаат во село Богомила во општина Чашка, каде гори мешана шума, како и во село Грешница во општина Македонски Брод, во деградирана нискостеблеста шума, соопшти ЦУК.
Пожарот кој е под контрола е во село Стровија во општина Долнени, зад местото викано Гајдарец-Клепало, во нискостеблеста шума.
Пожарот што е изгаснат се наоѓа во село Слупчане во општина Липково, каде горела ниска вегетација.