Црна хроника
Момчето и девојката од Битола се предозирале со метадон
Момчето и девојката кои беа пронајдени мртви во мотел во Битола се предозирале со метадон, покажал обдукцискиот наод, соопштуваат од МВР.
Според обдукцијата, двајцата починале како последица на предозираност, на нивните тела немало траги на насилство и повреди, а покрај нив биле најдени шприцеви и две боци со метадон.Нивните тела ги најдоа вработените во понеделникот попладне откако од собата почнала да шири непријатна миризба. Собата ја изнајмиле на 24 октомври и од тогаш не излегле од неа. Вработените во мотелот „Пржо“ насилно ја отвориле вратата бидејќи била заклучена од внатре, а клучот бил оставен во бравата. Нивните тела лежеле едно до друго на кревет покрај тоалетот, без облека на нив. Како што објави дневниот весник „Утрински весник“ Кашмир и Ѓулчен Исовски биле брачни сопружници кои имале четири деца и живееле во ромското маало. Според нивните пријатели, сопружниците биле заедно од деца. Кашмир имал машина за сечење на дрва, но се трганло наопаку пред неколку години кога фатил лоши патишта со дрога, пишува весникот цитирајќи изјави на нивните пријатели. Ѓулчен се обидела да го смени животот и да замине во Германија. Се вратила назад и живеела со мајка си. Повторно почнала да се гледа со Кашмир, поради што веројатно отишла во мотелот за да бидат заедно, оти повеќе не живеле заедно, претпоставуваат соседите./крај/мф/ффс
Извор: Фото: Утрински весник
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата им ги зема возачките дозволи на 5 возачи кои управувале автомобили под дејство на алкохол
На 25/26.05.2024 година од 23 до 04 часот, при извршени сообраќајни контроли во Охрид, полициските службеници затекнале 5 возачи кои управувале моторни возила под дејство на алкохол.
Тие, веднаш се исклучени од сообраќај, одземени им се возачките документи и поднесени им се соодветни платни налози.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.