Црна хроника
Натепал професор зошто ја бутнал ќерка му на испит
Незадоволен поради тоа што ќерката паднала на испит, 55-годишниот А.И. решил физички да се пресмета со нејзиниот професор, соопштуваат од МВР.
Инцидентот се случи во средата на Музичкиот факултет во Скопје, откако А.И., заедно со 27-годишниот А.Р. решиле да го посетат професорот Т.М., и своето незадоволство од тоа што на испит ја бутнал ќерката на А.И., го изразиле преку физички напад, удирајќи го професорот со тупаници во главата, а бил искршен и инвентарот во неговата канцеларија.
Откако професорот почнал гласно да бара помош, двете лица побегнале, а од МВР велат дека преземаат дополнителни мерки за расчистување на случајот./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.