Регион
Голем пад на популарноста на владата на Миро Церар
Словенечкиот премиер Миро Церар забележа пад за еден месец на скалата на најпопуларни политичари од четвртото на 10 место, поддршката ја губи и неговата партија, а бројот на гласачи кои сметаат дека владата работи добро е трипати помал од оние кои го мислат спротивното.
Најновото месечно истражување на јавното мислење на љубљанско „Дело“, чии резултати се објавени во понеделник, покажа дека 18 отсто од анкетираните оцениле дека владата работи добро и дека коалицијата на Церар функционира добро, додека спротивно сметаат 52 отсто. Процентот на оние кои на изборите би гласале за партијата на Церар, Партија на модерниот центар, се намалил од 11,5 отсто во ноември на само 7,6 отсто, покажа испитувањето.
Најголема поддршка, од 13 отсто, доби опозициската Словенска демократска партија, ист резултат како и минатиот месец.
Според оценката на „Дело“, падот на поддршката на владата, а особено големиот пад на премиерот и неговата партија, е последица на судирот на Церар со синдикатите на вработените во полицијата, здравството и културата, но и со локалните власти бидејќи се смалуваат субвенциите кон општините, а јавноста во тоа не го поддржа. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Регион
(Видео) 40 исчезнати во Јабланица, министер: Се плашам дека ќе се зголеми бројот на загинати
И покрај напорите на сите расположливи сили со тешка механизација, воспоставувањето на патот меѓу Мостар и Јабланица нема да биде можно до вечерва. Според последните информации, 40 лица се водат за исчезнати на подрачјето на Долна Јабланица, а на тоа место се потврдени 16 смртни случаи.
At least 14 people died, and others are missing in Bosnia and Herzegovina after heavy rain and landslides destroyed homes, roads, and bridges. The municipality of Jablanica, southwest of Sarajevo, was completely cut off.pic.twitter.com/8aBwt4cqRn
— Volcaholic 🌋 (@volcaholic1) October 4, 2024
„Пред сè, сакам да изразам искрено сочувство до семејствата чии членови загинаа. Се плашам дека овие бројки, за жал, ќе растат. Ќе ги обновиме железницата и патиштата, но човечките животи не можат да бидат обновени“, рече министерот Тони Краљевиќ.
Краљевиќ, исто така, нагласи дека Владата на БиХ прогласи природна катастрофа и дека сите материјални и човечки ресурси се достапни за спасување.
Командантот на Штабот за цивилна заштита, Адил Шута, истакна дека приоритет е спасувањето човечки животи и дека се користат чамци за доставување помош, додека армијата и инженерските сили работат на воспоставување на коридорот.