Денеска во Итната помош Зеница се случил инцидент кога татко и син физички го нападнале медицинскиот персонал.

Сè започнало кога во установата се обратил пациент од Зеница, жалејќи се на здравствени проблеми.

Тој бил сместен во просториите каде му била укажана лекарска помош, а во меѓувреме се појавил неговиот татко Е.К. (роден 1967 г.) кој се обидел да влезе во просториите.

Од Министерството за внатрешни работи на Зеничко-добојскиот кантон велат дека по пристигнувањето, персоналот го предупредил дека мора да чека поради тековните медицински процедури, пренесуваат тамошните медиуми.

Но, по вербален судир со медицинскиот персонал, Е.К физички ги нападнал и лекарот и тројца техничари. Набрзо му се придружил и синот кој бил пациент во оваа установа.

Ситуацијата потоа се смирила, додека вработените повикале полиција.

По пристигнувањето, полицајците ги привеле таткото и синот, додека лекарот и тројца техничари се здобиле со полесни повреди.

За настанот бил известен дежурниот обвинител, а таткото и синот се приведени поради сомнение за сторено кривично дело насилничко однесување и загрозување на сигурноста. За утре е најавена криминалистичка обработка на случајот, пренесува „Српска инфо“.

Американскиот претседател Доналд Трамп пред медиумите ги коментираше царините кои предизвикаа огромни реакции во светот и шок на пазарите. Тој го повтори својот став дека со овој потег ги штити САД.

„Секоја земја ќе биде внимателна и љубезна кон нас. Ова не е одржливо, Америка не може да изгуби 1,9 трилиони долари во трговијата.

This is NOT SUSTAINABLE! The United States can't lose $1.9 trillion on trade…

Donald Trump Truth Social 04/07/25 10:04 AM pic.twitter.com/IY2WxOQw0U

— Donald J. Trump Posts From His Truth Social (@TrumpDailyPosts) April 7, 2025

Во исто време, трошиме многу пари на НАТО за да ги заштитиме европските земји. Ги поддржуваме со војска и ги штитиме, а губиме пари во трговијата.

Сето тоа е лудо и јас бев избран врз основа на тоа да го направам ова. Американскиот народ го разбира она што го правиме многу подобро од медиумите, но дури и тие го разбираат и известуваат подобро отколку што очекував“, рече Трамп.

Милиони украински бегалци во ЕУ би можеле да го изгубат статусот на бегалци бидејќи не постои јасен план што би им овозможил да останат по воспоставувањето на примирјето со Русија.

Од почетокот на руската инвазија во февруари 2022 година, директивата за привремена заштита на ЕУ стана правна поддршка за речиси 4,3 милиони Украинци. Оваа директива им овозможува на Украинците да добијат право на работа и пристап до услуги, при што повеќето од нив се населуваат во Полска, Германија, Чешка и Словачка.

Меѓутоа, како што напредуваат преговорите за примирјето, оваа бегалска мрежа би можела да биде нарушена, наведува „Украинска Правда“.

Прекинот на огнот може да ја промени ситуацијата преку ноќ, принудувајќи ги земјите домаќини да одлучат дали да ја повлечат заштитата, да инсистираат на интеграција или да бараат да ги вратат бегалците дома.

Минатата година ЕУ ја продолжи заштитата на бегалците до април 2026 година, но секое идно продолжување ќе биде на годишно ниво, анализира медиумот.

Секоја земја на ЕУ ја толкува директивата во своето национално законодавство на различен начин, што значи дека Украинците се третираат различно во зависност од тоа каде се населиле.

Европската комисија почна да ги разгледува следните чекори, вклучително и продолжување на привремената заштита, помагање на луѓето да преминат кон национален статус за работа, студирање или обединување на семејството, како и поддршка за оние кои ќе одлучат да се вратат во Украина.

Според „Јуроактива“, ЕУ ќе го разгледа ова прашање на следниот состанок на Советот на министри за внатрешни работи во јули.