Европа
Борис Џонсон сака бродовите со имигрантите да ги враќа во Либија
Британскиот министер за надворешни работи Борис Џонсон изјави во четвртокот дека го поддржува предлогот за враќање на бродовите со имигрантите во Либија „за да не влезат во Италија“, а таквата мерка според него би го имала „ефектот на одвраќање“.
Британскиот министер за надворешни работи Борис Џонсон изјави во четвртокот дека го поддржува предлогот за враќање на бродовите со имигрантите во Либија „за да не влезат во Италија“, а таквата мерка според него би го имала „ефектот на одвраќање“.
Истовремено, британскиот брод „Enterprise“, кој учествува во европската поморска операција „Софија“ против криумчарењето на луѓе во близина на брегот на Либија, учествувал во четвртокот во спасувачките операции во кои се спасени 750 имигранти, соопшти италијанската крајбрежна стража.
Од почетокот на годинава повеќе од 129.000 имигранти пристигнале на италијанскиот брег, што е за 5 отсто повеќе отколку минатата 2015 година, наведува италијанското министерство за внатрешни работи.
Имигрантите коишто се качуваат на несигурните дотраени бродови и гумени чамци, изложени се издувните гасови од бродските мотори, премрзнување и дехидрација, поради што умираат по помалку од 12 часови поминати на море. Во четвртокот британскиот брод пронајде безживотно тело на еден гумен чамец.
„Во таквата ситуација, ние во Велика Британија сме решителни да ѝ помогнеме на Италија и признаваме дека тоа е европски проблем“, изјави шефот на британската дипломатија на заедничката прес-конференција со италијанската колега Паоло Џентилони во Фиренца.
„Лично мислам дека тие бродови би требало да ги вратат што поблиску до либискиот брег за да не дојдат во Италија, и за операцијата да има поголем ефект од одвраќање“, додал Џонсон.
Бродовите кои учествуваат во операцијата „Софија“ се овластени да ги запрат бродовите со коишто криумчарите ги пренесуваат имигрантите во меѓународните води, што не е редовен случај, туку се наоѓаат во ситуација да ги спасуваат.
Во разговорот од четвртокот за италијанскиот дневен весник La Stampа, претставникот на ОН во Либија, Мартин Коблер, вели дека во таа земја најмалку 235.000 имигранти чекаат да се натоварат на пловилата за Италија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.
Европа
Шефот на британската дипломатија: Украина има право да го користи нашето оружје во Русија
Британскиот министер за надворешни работи Дејвид Камерон денеска вети три милијарди фунти (3,74 милијарди долари) годишна воена помош за Украина „колку што е потребно“ и додаде дека Лондон нема ништо против оружјето да се користи во Русија.
„Ќе даваме три милијарди фунти секоја година онолку колку што е потребно. Штотуку навистина исцрпивме се што можеме во однос на давање опрема“, изјави тој за Ројтерс во интервју за време на посетата на Киев, додавајќи дека пакетот помош е најголемиот од ОК до сега.
„Дел од таа (опрема) пристигнува во Украина денеска, додека јас сум тука“, рече тој.
Камерон рече дека Украина има право да користи оружје доставено од Лондон за да нападне цели во Русија и дека тоа зависи од Киев.
„Украина го има тоа право. Исто како што Русија напаѓа внатре во Украина, сосема е разбирливо зошто Украина чувствува потреба да се осигура дека е способна да се одбрани“, изјави Камерон за Ројтерс.
Камерон, кој го предводеше Обединетото Кралство од 2010 до 2016 година како премиер и се врати на политичкиот фронт пред само неколку месеци, се состана со украинскиот министер за надворешни работи Дмитро Кулебa и претседателот Володимир Зеленски во неговата втора посета на Киев како министер за надворешни работи.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.